বাদাম খোৱাটো স্বাস্থ্যৰ বাবে অতি উপকাৰী । বাদামত থকা ভিটামিন শৰীৰৰ বাবে অতি উপকাৰী । বাদামত পুষ্টিকৰ উপাদান প্ৰচুৰ পৰিমাণে থাকে । ভিটামিন ই, কেলচিয়াম, প্ৰ’টিন, কাৰ্বহাইড্ৰেট, ফাইবাৰ, কপাৰ, মেংগানিজ, ফছফৰাছ, মেগনেছিয়াম আৰু জিংক আদি খনিজ পদাৰ্থও প্ৰচুৰ পৰিমাণে পোৱা যায় । ইয়াৰ উপৰিও থাইয়ামিন, ভিটামিন বি ৬, ভিটামিন কে, আইৰণ, পটাছিয়াম আদিও পোৱা যায় । এই সকলোবোৰ পুষ্টিকৰ উপাদান স্বাস্থ্যৰ বাবে অতি প্ৰয়োজনীয় । আনহাতে কাজু, কিচমিচ একেলগে খালে আমি বহু উপকাৰিতা লাভ কৰো । গতিকে জানো আহক, এই দুয়োবিধ শুকান ফল একেলগে খালে কি লাভ হ’ব পাৰে ।
হৃদযন্ত্ৰৰ স্বাস্থ্য:কাজুত হৃদযন্ত্ৰৰ স্বাস্থ্য উন্নত কৰা পুষ্টিকৰ উপাদান থাকে । ইয়াত মনোচেচুৰেটেড ফেট আৰু ভিটামিন ই থাকে যিয়ে হৃদৰোগৰ বিৰুদ্ধে যুঁজ দিয়াত সহায় কৰে ।
পাচন শক্তি:কিচমিচত ভাল পৰিমাণৰ আঁহ থাকে, যাৰ ফলত হজম শক্তি উন্নত হয় আৰু কোষ্ঠকাঠিন্যৰ পৰা উপশম পোৱা যায় ।
শক্তিৰ উৎস: কাজুত প্ৰচুৰ পৰিমাণে প্ৰটিন, কাৰ্বহাইড্ৰেট আৰু প্ৰয়োজনীয় চৰ্বি থাকে যিয়ে শক্তিৰ উৎস হিচাপে কাম কৰে আৰু শাৰীৰিক আৰু মানসিক চাপ কমায়।
ভিটামিন আৰু খনিজ পদাৰ্থৰ সমৃদ্ধ উৎস: কাজু আৰু কিচমিচত ভিটামিন A, ভিটামিন C, ৰোগ প্ৰতিৰোধ ক্ষমতা শক্তিশালী কৰা আৰু সংক্ৰমণৰ বিৰুদ্ধে যুঁজ দিয়াত সহায় কৰা ভিটামিন প্ৰচুৰ পৰিমাণে থাকে । ইয়াৰ উপৰিও কাজু আৰু কিচমিচত আইৰণ, ফছফৰাছ, মেগনেছিয়াম আৰু কেলচিয়ামও থাকে, যিয়ে শৰীৰৰ গঠন উন্নত কৰে ।
মানসিক স্বাস্থ্য:কাজুত থকা ভিটামিন B6 আৰু কিচমিচত থকা মেগনেছিয়ামে মানসিক স্বাস্থ্য উন্নত কৰে, মানসিক চাপ কমায় আৰু টোপনিৰ সৈতে জড়িত সমস্যাৰ পৰা সকাহ দিয়ে ।