হুইল চকীত বহি নিৰ্বাচনী প্ৰচাৰ তপন কুমাৰ গগৈৰ
ডিব্ৰুগড়, 21 মাৰ্চ: সমাগত লোকসভা নিৰ্বাচন ৷ প্ৰতিটো ৰাজনৈতিক দলেই আৰম্ভ কৰিছে ৰাজনৈতিক কুচকাৱাজ । ৰাজ্যৰ আনসমূহৰ দৰে যোৰহাট লোকসভা সমষ্টিতো ৰাজনৈতিক পৰিৱেশ ক্ৰমাৎ আকৰ্ষণীয় হৈ পৰিছে ।
যোৰহাট লোকসভা সমষ্টিত এইবাৰ বৰ্তমানৰ সাংসদ তপন কুমাৰ গগৈক বিজেপিয়ে পুনৰ প্ৰাৰ্থিত্ব প্ৰদান কৰা বিপৰীতে প্ৰয়াত প্ৰাক্তন মুখ্যমন্ত্ৰী তৰুণ গগৈৰ পুত্ৰ তথা সাংসদ গৌৰৱ গগৈক যোৰহাট লোকসভা সমষ্টিত প্ৰাৰ্থিত্ব প্ৰদান কৰিছে কংগ্ৰেছ দলে ।
দুটা দিনৰ পূৰ্বে চৰাইদেউ জিলাৰ ৰাইজৰ মাজত দিনজোৰাকৈ প্ৰচাৰ চলায় কংগ্ৰেছ প্ৰাৰ্থী গৌৰৱ গগৈয়ে । ইয়াৰ পিচতে হুইল চকীত বহি বহিয়েই মাৰাথন নিৰ্বাচনী প্ৰচাৰ চলাইছে তপন কুমাৰ গগৈয়ে । আজিৰ দিনটোত চৰাইদেউ জিলাখনত কেইবাখনো নিৰ্বাচনী সভাত অংশগ্ৰহণ কৰে তপন কুমাৰ গগৈয়ে ।