চুলি সৰা আৰু ছালৰ সমস্যা আজিকালি প্ৰত্যেকৰে বাব এটি প্ৰধান সমস্যা ৷ ইয়াৰ আঁৰত আপোনাৰ কিছুমান বেয়া অভ্যাস থাকিব পাৰে, যিবোৰৰ প্ৰতি গুৰুত্ব দিয়াটো প্ৰয়োজন ৷ অকাল বাৰ্ধক্য অৰ্থাৎ মুখৰ ছাল অকালতে ঢিলা হোৱা, মিহি ৰেখা আৰু কম বয়সতে চুলি দ্ৰুতগতিত সৰা আদি সমস্যাৰ পৰা হাত সাৰিবলৈ মানুহে বিভিন্ন প্ৰতিকাৰ, প্ৰসাধন সামগ্ৰী আৰু ব্যয়বহুল ট্ৰিটমেন্ট গ্ৰহণ কৰে ৷ এতিয়াৰ বাবে প্ৰতিদিনে শুবলৈ যোৱাৰ আগতে কিছু ভাল অভ্যাস গ্ৰহণ কৰক ৷ গতিকে ইয়াৰ পৰা বহুত পাৰ্থক্য দেখিব ৷
যদি প্ৰতিদিনে শুবলৈ যোৱাৰ আগতে চুলিৰ যত্ন আৰু ছালৰ যত্নৰ সৈতে জড়িত কিছুমান কথা মনত ৰখা হয়, তেন্তে আপুনি চুলি সৰা আৰু ছালৰ সমস্যা বহু পৰিমাণে হ্ৰাস কৰিব পাৰিব ৷ গতিকে বিতংভাৱে এই বিষয়ে জানো আহক-
মোবাইল, লেপটপ আদি চোৱাৰ সময় হ্ৰাস কৰক
গোটেই দিনটো অবিৰতভাৱে কাম কৰি তাৰ পিছত ৰাতি ঘণ্টাৰ পিছত ঘণ্টা ধৰি ফোন ব্যৱহাৰ কৰিলে আপোনাৰ টোপনিত ব্যাঘাত জন্মে, যাৰ বাবে আপুনি মানসিক চাপত ভুগিব পাৰে আৰু ইয়াৰ বাবে চুলি সৰা আৰু মুখৰ ছালত মিহি ৰেখা আৰু বলিৰেখাৰ দৰে সমস্যাৰ সৃষ্টি হ’ব পাৰে ৷ সেয়ে ৰাতি শুবলৈ যোৱাৰ প্ৰায় ১ৰ পৰা ২ ঘণ্টা আগতে মোবাইল বা কম্পিউটাৰৰ পৰা আঁতৰি থকাটো উচিত ৷
বিচনাখন সম্পূৰ্ণৰূপে পৰিষ্কাৰ কৰক
শুবলৈ যোৱাৰ আগতে নিশ্চিত হওক যে আপোনাৰ গাৰু আৰু বেডশ্বীট পৰিষ্কাৰ আছে নে নাই, কাৰণ লেতেৰা বিচনাৰ বাবে আপোনাৰ ছালত পিম্পলছ আৰু ব্ৰণৰ সমস্যা হ’ব পাৰে ৷ একে সময়তে মূৰৰ ছালত মলিও জমা হ’বলৈ আৰম্ভ কৰে, যিটো তেলীয়া চুলিৰ কাৰণ হৈ পৰে ৷