হায়দৰাবাদ : ভাৰতত গণৰাজ্য দিৱস উদযাপন কৰাৰ পিছত দেওবাৰে (২৬ জানুৱাৰী) নিশা আবুধাবিত অনুষ্ঠিত এক অনুষ্ঠানত অংশগ্ৰহণ কৰে বলীউডৰ ছুপাৰষ্টাৰ শ্বাহৰুখ খানে ৷ উক্ত অনুষ্ঠানত নিজৰ আগন্তুক ছবি ‘কিং’ৰ বিষয়ে এক ডাঙৰ তথ্য শ্বেয়াৰ কৰে বাদশ্বাহে ৷ বলীউডৰ ছুপাৰষ্টাৰগৰাকীয়ে তেওঁৰ আগন্তুক ছবিখনৰ নতুন পৰিচালকৰ নামো প্ৰকাশ কৰে ।
আবুধাবিত আয়োজিত গ্ল’বেল ভিলেজৰ কাৰ্যসূচীত অংশগ্ৰহণ কৰে শ্বাহৰুখ খানে । মঞ্চত আয়োজকগৰাকীৰ প্ৰশ্নৰ উত্তৰ দিওঁতে শ্বাহৰুখে তেওঁৰ আগন্তুক ছবি ‘কিং’ৰ বিষয়ে এটা আপডেট শ্বেয়াৰ কৰে । শ্বাহৰুখ খানে নিশ্চিত কৰিছে যে তেওঁৰ আগন্তুক ছবি ‘কিং’ পৰিচালনা কৰিব সিদ্ধাৰ্থ আনন্দই । উল্লেখ্য যে, ২০২৩ চনৰ ব্লকবাষ্টাৰ ছবি পাঠান পৰিচালনা কৰিছিল সিদ্ধাৰ্থ আনন্দই । অনুষ্ঠানটোত কিং খানে সকলোকে আশ্বাস দিয়ে যে আগন্তুক ছবিখন অতি মনোৰঞ্জনদায়ক হ’ব আৰু সকলোৱে ছবিগৃহত ছবিখন উপভোগ কৰি ভাল পাব ।
মোৰ পৰিচালক সিদ্ধাৰ্থ আনন্দ অতি কঠোৰ : শ্বাহৰুখ খান
শ্বাহৰুখ খানৰ এটা ফেন পেজে এই অনুষ্ঠানৰ ভিডিঅ’ পোষ্ট কৰিছে, য’ত কিং অফ ৰোমাঞ্চে কোৱা দেখা গৈছে, “মই এতিয়া ইয়াৰ বাবে শ্বুটিং কৰি আছো আৰু কেইমাহমানৰ বাবে শ্বুটিং কৰিম । মোৰ পৰিচালক সিদ্ধাৰ্থ আনন্দ বৰ কঠোৰ । তেওঁ পাঠান নিৰ্মাণ কৰিছিল । তেওঁ মোক কঠোৰভাৱে কৈছে যে আমি কি কৰি আছো কাকো যাতে নকওঁ । গতিকে আমি চিনেমাখনত কি কৰি আছো ক’ব নোৱাৰো । কিন্তু মই নিশ্চিত যে ই যথেষ্ট মনোৰঞ্জনদায়ক হ’ব । বহুত আনন্দদায়ক হ’ব ।”
'মই বহুত শিৰোনাম ব্যৱহাৰ কৰিছো, এতিয়া...'