মুম্বাই :শ্বাহৰুখ খানৰ অনুৰাগীসকলৰ গাত ততেই নাই এতিয়া, কাৰণ চমু চাপি আহিছে শ্বাহৰুখ জন্মদিন ৷ ২ নৱেম্বৰত শ্বাহৰুখ খানে ৫৯ সংখ্যক জন্মদিন উদযাপন কৰিব । ইতিমধ্যে ছ’চিয়েল মিডিয়াত শ্বাহৰুখ খানৰ অনুৰাগীয়ে জন্মদিন উদযাপনৰ প্ৰস্তুতি আৰম্ভ কৰিছে । এতিয়া জন্মদিনৰ পূৰ্বে শ্বাহৰুখ খানে পুত্ৰৰ কোম্পানীৰ এটা অনুষ্ঠানৰ বাবে সমগ্ৰ পৰিয়ালসহ দুবাইত উপস্থিত হৈছেগৈ ।
উক্ত অনুষ্ঠানটো শ্বাহৰুখ খানে পৰিয়ালৰ সৈতে উপভোগ কৰা দেখা গৈছে । দুবাইৰ এই অনুষ্ঠানৰ পৰা শ্বাহৰুখ খানৰ বহু ভিডিঅ’ প্ৰকাশ পাইছে ৷ তাৰে কোনোবা এটা ভিডিঅ’ত তেওঁক শাহুৱেকৰ সৈতে নাচি থকা দেখা গৈছে । এই অনুষ্ঠানত শ্বাহৰুখৰ লগতে গৌৰী খান, আৰিয়ান খান, সুহানা খান আৰু অভিনেতাগৰাকীৰ শাহুৱেক সবিতা ছিব্বৰো উপস্থিত থাকে ।
শাহুৱেকৰ সৈতে শ্বাহৰুখৰ নৃত্য
দুবাইৰ এটা ইভেণ্টৰ পৰা শ্বাহৰুখ খানৰ বহু ভিডিঅ’ ভাইৰেল হৈছে । এই অনুষ্ঠানত তেওঁ প্ৰথমে মঞ্চত ঝুমে জ’ পাঠান গানটোত নৃত্য কৰে আৰু অনুৰাগীয়ে বাদশ্বাহক তেওঁৰ আগন্তুক ৫৯ সংখ্যক জন্মদিনৰ শুভেচ্ছা জনায় । এই অনুষ্ঠানৰ এটা ভিডিঅ’ত শ্বাহৰুখ খানক তেওঁৰ শাহুৱেক সবিতা ছিব্বৰৰ সৈতে নাচি থকা দেখা গৈছে । শ্বাহৰুখক শাহুৱেকৰ হাতত ধৰি নাচিছে । ইফালে এটা ভিডিঅ’ত শ্বাহৰুখ খানক কন্যা সুহানা খানৰ সৈতেও ধেমালি কৰা দেখা গৈছে । অনুৰাগীসকলকো সম্পূৰ্ণ মনোৰঞ্জন দিয়ে শ্বাহৰুখে ৷
শ্বাহৰুখ খানে আনকি তেওঁৰ অনুৰাগীৰ সৈতে ফটোও ক্লিক কৰে । একে সময়তে শ্বাহৰুখ খানৰ অনুৰাগীসকলে তেওঁৰ আগন্তুক ছবি ‘কিং’ৰ বাবে আগ্ৰহেৰে অপেক্ষা কৰি আছে । এই ছবিখনত শ্বাহৰুখ খানক তেওঁৰ কন্যা সুহানা খানৰ সৈতে দেখিবলৈ পোৱা যাব । প্ৰাপ্ত খবৰ অনুসৰি অভিষেক বচ্চনেও ছবিখনত গুৰুত্বপূৰ্ণ ভূমিকা পালন কৰিব । সুজয় ঘোষৰ ছবি ‘কিং’ত অভিষেক বচ্চনে খলনায়কৰ চৰিত্ৰত অভিনয় কৰিব ।
লগতে পঢ়ক :কিং অফ ৰোমাঞ্চে ভাল নাপাই লভষ্ট’ৰী !
