চিটাৰা ডেস্ক, 3 অক্টোবৰ :শ্বাহৰুখ খানে আমিৰ খানৰ ফ্লপ ছবি ‘লাল সিং চাড্ডা’ প্ৰসংগত তেওঁৰ মতামত প্ৰকাশ কৰিছে । শ্বাহৰুখ খানে কৈছে যে তেওঁক প্ৰথমে ‘লাল সিং চাড্ডা’ বোলছবিখনৰ প্ৰস্তাৱ দিয়া হৈছিল আৰু তেওঁ ছবিখন প্ৰত্যাখ্যান কৰিছিল । তাৰ পিছতে শ্বাহৰুখ খানে কয় যে আমিৰ খানে 'লাল সিং চাড্ডা' বোলছবিখন কৰিব নালাগিছিল । শ্বাহৰুখ খানৰ এই মন্তব্য এতিয়া বাৰুকৈয়ে চৰ্চিত হৈছে আৰু ছ’চিয়েল মিডিয়াত শ্বাহৰুখ খানৰ বক্তব্য ভাইৰেল হৈ পৰিছে ।
শ্বাহৰুখ খানে প্ৰত্যাখ্যান কৰিছিল লাল সিং চাড্ডা
শেহতীয়াকৈ শ্বাহৰুখ খানক আই আই এফ এ 2024 ৰ মঞ্চত দেখা গৈছিল । আই আই এফ এৰ মঞ্চত শ্বাহৰুখ খানৰ সৈতে বিকী কৌশলো আছিল । শ্বাহৰুখে আইফা মঞ্চত নিজকে আৰু বহুতো চলচ্চিত্ৰ অভিনেতাক উপহাস কৰি মনোৰঞ্জন দিছিল উপস্থিত দৰ্শকক । শ্বাহৰুখে কয় যে যিকোনো ডাঙৰ ছবি প্ৰথমে তেওঁৰ ওচৰলৈ আহে আৰু যেতিয়া তেওঁ নাকচ কৰে তেতিয়া আন তাৰকাৰ হাতলৈ যায় । এই কথাত বিকী কৌশল আচৰিত হৈ পৰে আৰু তাৰ পিছত তেওঁৰ সন্মুখত কিছুমান ডাঙৰ ডাঙৰ ছবিৰ নাম লৈ নাকচ কৰাৰ কাৰণ সোধে ।
বিকী কৌশলে সোধে- আপুনি লাল সিং চাড্ডা কিয় নকৰিলে ?