شمالی کوریا کی سرکاری نیوز ایجنسی کے سی این اے نے یہ اطلاع دی۔ ڈبلیو پی کے کی مرکزی کمیٹی کے سنٹرل ملٹری کمیشن کا یہ پہلا اجلاس ہے جس میں کم جونگ یکم مئی کے بعد پہلی بار عوام کے سامنے پیش ہوئے ہیں۔
اس سے قبل ، وہ سنچن شہر میں فاسفیٹک کھاد بنانے والی فیکٹری کے افتتاح کے موقع پر دیکھے گئے تھے۔ دراصل ، ڈبلیو پی کے شمالی کوریا کی بانی اور حکمران پارٹی ہے۔ اس اجلاس میں فوج کے تنظیمی امور پر نمایاں بات چیت کی گئی۔ کم جونگ ان نے فوجی کمانڈ سسٹم میں اصلاحات کے سرکاری حکم (فرمان) پر دستخط بھی کیے۔
کے سی این اے کے مطابق ، اجلاس میں اسٹریٹجک مسلح افواج کو مستحکم کرنے کے علاوہ نئی جوہری پالیسیوں کو پیش کیا گیا۔
شمالی کوریا کے رہنما کے دستخط کیے ہوئے فرمان کے مطابق ، موجودہ حالات کے پیش نظر، جمہوریہ کوریا کی مسلح افواج کو ڈبلیو پی کے کے انقلابی نظریات اور پالیسیوں کے مطابق اپنی صلاحیت بڑھانے کا تاریخی کام انجام دینا ہوگا ،جس سے پارٹی ، انقلاب ، ملک اور اس کے شہریوں کی مدد کے علاوہ سوشلزم کے اصولوں کا بھی تحفظ کیا جاسکے۔
کے سی این اے کے مطابق ، یہ حکم 23 مئی کو جاری کیا گیا تھا ، لیکن یہ فوجی اجلاس کب ہوا اس کے بارے میں کوئی اطلاع نہیں ہے۔ اہم بات یہ ہے کہ کم جونگ کی صحت کے سلسلے میں بھی کئی طرح کی افواہیں اڑ رہی ہیں۔
