3 సెకన్లలో 3 సార్లు ప్రయత్నం.. అయినా..!

ఫుట్​బాల్​ గేమ్​లో ఆటగాళ్లు గోల్ కోసం ఎంతో తీవ్రంగా శ్రమిస్తారు. ఎంత కష్టపడినా ఎంతో కొంత అదృష్టమూ కలిసి రావాలి. తాజాగా ఖతార్ స్టార్స్​లీగ్​లో అల్ సలియా - అల్ సహానియా జట్ల మధ్య ఓ మ్యాచ్ జరిగింది. గోల్ కోసం అల్ సలియా ఆటగాళ్లు మూడు సార్లు ప్రయత్నించినా కలిసిరాలేదు. ఓ సారి గోల్ పోస్ట్​కు తగిలి బంతి వెనక్కి రాగా.. మరోసారి గోల్ కీపర్ ఆపేశాడు.. ఇంకోసారి క్రాస్​ బార్​కు తగిలి బంతి ఆగిపోయింది. ఈ తతంగమంతా కేవలం మూడు సెకన్లలోనే జరగడం విశేషం.