రైల్వేస్టేషన్​లో కానిస్టేబుల్ అభ్యర్థుల హల్​చల్​!

పోలీసు కానిస్టేబుల్ నియామక పరీక్షకు హాజరయ్యేందుకు అభ్యర్థులు బిహార్‌లోని హాజీపూర్‌ రైల్వేస్టేషన్​కు శనివారం రాత్రి పోటెత్తారు. వందల సంఖ్యలో స్టేషన్​కు చేరుకున్నారు. ఆదివారం పరీక్ష సందర్భంగా రద్దీ ఎక్కువగా ఉంటుందని తెలిసి కూడా సంబంధిత శాఖ ప్రత్యేక రైలు నడపకపోవడంపై ఉద్యోగార్థులు ఆగ్రహం వ్యక్తం చేశారు. రైలు సౌకర్యం లేకపోవడం వల్ల కొంత మంది పరీక్ష కేంద్రానికి వెళ్లలేక వెనుదిరిగారు. ఈ క్రమంలో కోపోద్రిక్తులైన అభ్యర్థులు.. రాత్రి పట్టాలపైకి వచ్చి హల్​చల్​ సృష్టించారు.