'యురేనియంపై పోరాటానికి ముందుకురండి'

యురేనియం తవ్వకాల ప్రయత్నాలను ఉపసంహరించుకోవాలని యురేనియం వ్యతిరేక పోరాట వేదిక కన్వీనర్​ రామచంద్రయ్య డిమాండ్​ చేశారు. ఈ అంశంపై ఉద్యమం చేసేందుకు వామపక్షాలు, ప్రజాసంఘాలు, కళాకారులు ముందుకురావాలని విజ్ఞప్తి చేశారు.

నల్లమలలో యురేనియం తవ్వకాల ప్రయత్నాలను ఉపసంహరించుకోవాలని యురేనియం వ్యతిరేక పోరాట వేదిక డిమాండ్​ చేసింది. యాదాద్రి భువనగిరి జిల్లా ఆలేరులో యురేనియం తవ్వకాలకు వ్యతిరేకంగా సంతకాల సేకరణ చేపట్టారు. కేంద్ర ప్రభుత్వం పెట్టుబడిదారులకు వంత పాడుతూ ప్రజా వ్యతిరేక నిర్ణయాలు తీసుకుంటోందని వేదిక కన్వీనర్​ బట్టి రామచంద్రయ్య ఆరోపించారు. విద్యుత్​ ఉత్పత్తికి సోలార్​, పవన విద్యుత్​ వంటి ప్రత్యామ్నాయాలు ఉండగా.. యురేనియం వైపు మొగ్గుచూపడం మంచిది కాదని హితవుపలికారు. యురేనియం తవ్వకాలకు వ్యతిరేకంగా ఉద్యమం చేసేందుకు వామపక్షాలు, ప్రజాసంఘాలు, కళాకారులు ముందుకురావాలని విజ్ఞప్తి చేశారు.

ఇవీచూడండి: యురేనియం తవ్వకాలపై నిషేధం విధిస్తూ మండలిలో తీర్మానం