మత్తు సూదిచ్చారు... ఆపరేషన్ ఆపేశారు

కుటుంబ నియంత్రణ ఆపరేషన్ కోసం ప్రభుత్వాసుపత్రికి వెళ్లారు 200 మంది మహిళలు. అందులో దాదాపు 150 మందికి మత్తు మందిచ్చి పడుకోబెట్టారు. చివరకు ఆపరేషన్ చేయబోమంటూ చేతులెత్తేశారు.

కుటుంబ నియంత్రణ ఆపరేషన్ చేయించుకునేందుకని 200 మంది మహిళలు యాదాద్రి భువనగిరిలో జిల్లాలోని ప్రభుత్వాసుపత్రికి వచ్చారు. అందులో 150 మందికి మత్తు ఇంజక్షన్ ఇచ్చి పడుకోబెట్టారు. మధ్యాహ్నం వరకు కేవలం 65 మందికి మాత్రమే వైద్యులు ఆపరేషన్ నిర్వహించారు. మిగిలిన వారికి ఆపరేషన్ చేయబోమంటూ చేతులెత్తేశారు.

ఈ క్యాంపులో కేవలం 80 మందికే ఆపరేషన్ చేస్తామని చెప్పి మిగిలిన వారిని వదిలేశారు. మరోరోజు వస్తే... ఆపరేషన్ చేస్తామంటూ నిర్లక్ష్యపు సమాధానాలిచ్చారు. కుటుంబ నియంత్రణ ఆపరేషన్ కోసం వచ్చిన మహిళల కుటుంబ సభ్యులు వైద్య సిబ్బందితో గొడవకు దిగారు. మరోవైపు ఆశా కార్యకర్తలు కుని చికిత్స కోసం వారిని తీసుకొచ్చారు. ఇంతమందిని గ్రామాల నుంచి భరోసా ఇచ్చి తీసుకువస్తే వైద్యులు ఆపరేషన్ చేయకుండా వెనక్కి పంపడం బాధించిందని తెబుతున్నారు. ఈ విషయంపై జిల్లా వైద్యాధికారులను సంప్రదించడానికి ఈటీవీ-ఈటీవీ భారత్ ప్రయత్నించగా అందుబాటులోకి రాలేదు.

ఇవీ చూడండి: వనపర్తి సరళాసాగర్ జలాశయానికి గండి