ఎంపీ సంతోష్ చేసిన గ్రీన్ ఛాలెంజ్ను స్వీకరించిన ఎంపీ బండ ప్రకాశ్... వరంగల్లో మొక్కలను నాటారు. హన్మకొండలోని జూపార్కులో మూడు మొక్కలను నాటి మరో నలుగురికి గ్రీన్ ఛాలెంజ్ చేశారు. రాజ్యసభ డిప్యూటీ ఛైర్మన్ హరివంశ్, మహారాష్ట్ర నుంచి రాజ్యసభ సభ్యురాలు వందన చౌదరి, ఆంధ్రప్రదేశ్ నుంచి పార్లమెంటు సభ్యుడిగా ఉన్న డాక్టర్ సంజయ్ కుమార్, పుదుచ్చేరి నుంచి రాజ్యసభ సభ్యుడిగా ఉన్న గోపాలకృష్ణకు గ్రీన్ ఛాలెంజ్ విసిరారు. ప్రతి ఒక్కరు మొక్కలను నాటి పర్యావరణాన్ని కాపాడాలని సూచించారు. తెలంగాణ రాష్ట్రాన్ని హరితవనంగా మార్చేందుకు ముఖ్యమంత్రి కేసీఆర్ విశేషంగా కృషి చేస్తున్నారని.. ఇందులో భాగంగా అందరు భాగస్వాములు కావాలని పేర్కొన్నారు.
మొక్కలు నాటిన ఎంపీ బండప్రకాశ్.. మరో నలుగురికి గ్రీన్ ఛాలెంజ్
ఇవీ చూడండి: జీవితంలో రాణించలేనేమోనని ఐఐటీ విద్యార్థి ఆత్మహత్య
