వికారాబాద్ జిల్లా అనంతగిరిలో నలుగురు యువకులు డ్రగ్స్ మత్తులో కారుతో హల్చల్ చేశారు. అర్ధరాత్రిపూట వాహనాలు తనిఖీలు చేస్తున్న సమయంలో... యువకుల కారును పోలీసులు ఆపారు. మత్తులో ఊగిపోతున్న యువకులు పోలీసుల నుంచి తప్పించుకోబోయి వారి మీదికే పోనిచ్చారు. ఈ ఘటనలో నవాబుపేట ఎస్సై కృష్ణ తీవ్రగాయాలపాలయ్యారు. ఆయనను వెంటనే కిమ్స్ ఆస్పత్రికి తరలించారు. ఎస్సై కృష్ణ కాలు విరిగినట్లు వైద్యులు తెలిపారు.
కారును అదుపులోకి తీసుకుని యువకులను విచారించారు. నలుగురు యువకులు టోలిచౌకికి చెందిన ఇమ్రాన్, అన్వర్, నవీద్, సమీర్లుగా గుర్తించారు. న్యూఇయర్ సందర్భంగా పార్టీ చేసుకుని తిరిగి వస్తుండగా ఈ ప్రమాదం జరిగినట్లు పోలీసులు పేర్కొన్నారు. యువకులను వైద్య పరీక్షలు నిర్వహించగా... నలుగురు డ్రగ్స్ తీసుకున్నట్లు గుర్తించామని వెల్లడించారు. కారులో 12 సిగరెట్ ప్యాకెట్లను స్వాధీనం చేసుకున్నామని పోలీసులు తెలిపారు.
ఇవీ చూడండి: 'నేను సీఎం అవుతాననే చర్చే అవసరం లేదు"
