ఆర్టీసీ కార్మికుల సమస్యలు పరిష్కారం చేస్తే సీఎం కేసీఆర్కు పాలాభిషేకం చేస్తానని కాంగ్రెస్ ఎమ్మెల్యే జగ్గారెడ్డి అన్నారు. సమ్మె విషయంలో న్యాయస్థానం సూచనతో కమిటీ వేసినందుకు కేసీఆర్కు కృతజ్ఞతలు తెలిపారు. కార్మికుల డిమాండ్ న్యాయపరమైనవి కాబట్టే మూడు రోజులు పాటు సంగారెడ్డిలో దీక్ష చేశానని.. ప్రగతిభవన్ ముట్టడిలో పాల్గొన్నట్లు పేర్కొన్నారు. కాంగ్రెస్ పార్టీలో పులిలా బతికిన కేకే.. తెరాసలో పిల్లిలా జీవిస్తున్నారని ఎద్దేవా చేశారు. డీఎస్ పరిస్థితి అలానే ఉందన్నారు. సంగారెడ్డిలో మెడికల్ కాలేజీ నిర్మాణానికి ప్రతిపాదనలు పంపినందుకు సీఎం కేసీఆర్, మంత్రి ఈటల రాజేందర్‌కు కృతజ్ఞతలు తెలిపారు.
కేసీఆర్కు పాలాభిషేకం చేస్తా: జగ్గారెడ్డి
ఇవీచూడండి: విలీనంపై వెనక్కి తగ్గేది లేదు: ఆర్టీసీ ఐకాస
