వార్డుల్లో గెలిచినా... పీఠం దక్కించుకోని కాంగ్రెస్..!

నారాయణఖేడ్ మున్సిపాలిటీ పరిధిలో కాంగ్రెస్ పరిస్థితి విచిత్రంగా మారింది. అత్యధిక వార్డుల్లో విజయం సాధించినప్పటికీ.. అధికార పీఠం చేజిక్కించుకోలేకపోతోంది. ఎక్స్అఫీషియో ఓటు కారణంగా ఛైర్మన్​ పీఠాన్ని కోల్పోనుంది.

సంగారెడ్డి జిల్లా నారాయణఖేడ్ మున్సిపాలిటీలో కాంగ్రెస్ మెజార్టీ వార్డుల్లో విజయం సాధించినప్పటికీ.. నిరాశే మిగలనుంది. నారాయణఖేడ్ పురపాలిక పరిధిలో 15 వార్డులుండగా.. అధికార తెరాస 7, కాంగ్రెస్ 8 చోట్ల విజయం సాధించాయి.

మెజార్టీ వార్డుల్లో విజయం సాధించినా.. హస్తానికి పీఠం దక్కేలా లేదు. స్పష్టమైన మెజార్టీ రానందున స్థానిక ఎమ్మెల్యే, ఎంపీ, ఎమ్మెల్సీల ఎక్స్​అఫీషియో ఓటు వినియోగం ద్వారా తెరాసకు తమ మద్దతు ఇవ్వనున్నారు. అధిక వార్డుల్లో కాంగ్రెస్ గెలిచినా... నిరాశ తప్పేలాలేదు.

ఇవీ చూడండి: బస్తీమే సవాల్: కాంగ్రెస్​ ఖాతాలో వడ్డేపల్లి మున్సిపాలిటీ