'అమీన్​పూర్​ అత్యాచారం ఘటన అంతా కట్టుకథే'

ఓ యువకుడితో సినిమాకి వెళ్లింది. ఇంట్లో తెలిస్తే... ఏమంటారో అనే భయంతో కట్టు కథ అల్లింది. తనపై ముగ్గురు యువకులు అత్యాచారం చేసినట్లు పోలీసులకు సమాచారం అందించింది. పోలీసులు వచ్చి ఆరా తీస్తే... అసలు నిజం బయటపడింది.

సంగారెడ్డి జిల్లా అమీన్​పూర్​లో అత్యాచారం ఘటన... బాలిక కల్పించిన కట్టుకథగా జిల్లా ఎస్పీ చంద్రశేఖర్​రెడ్డి ప్రకటించారు. ఓ యువకుడు ఆ బాలికను ద్విచక్రవాహనంపై సినిమాకి తీసుకెళ్లాడని చెప్పారు. సినిమాకి వెళ్లినట్లు తెలిస్తే... తల్లి తిడుతుందని బాలిక అబద్ధం చెప్పినట్లు ఎస్పీ తెలిపారు.

అలాగే బాలిక ఫోటో తీసి సామాజిక మాధ్యమాల్లో వైరల్​ చేసినందుకు ఇంటి యజమానిపై చర్యలు తీసుకుంటున్నామని పేర్కొన్నారు. మైనర్​ను తల్లిదండ్రులకు తెలియకుండా తీసుకెళ్లినందుకు యువకుడిపై పోక్సో చట్టం కింద కేసు పెట్టినట్లు ఎస్పీ స్పష్టం చేశారు.

సంబంధిత కథనం: అమీన్‌పూర్‌లో బాలికపై అత్యాచారం