'డబ్బులు పంచుతూ పోలీసులకు చిక్కాడు..

ఓటర్లను ప్రలోభపెట్టేందుకు చివరి వరకు ప్రయత్నిస్తూనే ఉన్నారు. తమకు అనుకూలంగా ఓటు వేయాలని డబ్బులు పంచుతున్న ఓ కార్యకర్తను పోలీసులు అరెస్టు చేశారు. ఈ ఘటన నారాయణ ఖేడ్​లో చోటు చేసుకుంది.

సంగారెడ్డి జిల్లా నారాయణ ఖేడ్​లో 4వ వార్డు వద్ద ఓటర్లకు డబ్బులు పంపిణీ చేస్తున్నారని ఓ పార్టీకి చెందిన కార్యకర్తను పోలీసులు అదుపులోకి తీసుకున్నారు.

మున్సిపాలిటీ ఎన్నికల్లో భాగంగా 4వ వార్డులో ఓటు వేసేందుకు వెళ్తున్న ఓ ఓటర్​కు ఓ పార్టీ కార్యకర్త డబ్బులిస్తుండగా... మరో పార్టీ కార్యకర్తలు పట్టుకుని పోలీసులకు అప్పగించారు. ఈ సమయంలో ఇరు పార్టీల కార్యకర్తల మధ్య వాగ్వాదం చోటుచేసుకుంది.

ఇదీ చూడండి: పుర పోలింగ్​కు తరలివస్తోన్న ప్రజలు, ప్రజాప్రతినిధులు