ఏపీలోని గుంటూరు జిల్లా నిడబ్రోలుకు చెందిన అవినాష్కు వరంగల్ రూరల్ జిల్లాకు చెందిన ప్రణతితో ఐదేళ్ల క్రితం ప్రేమ వివాహం జరిగింది. వారిద్దరూ రంగారెడ్డి జిల్లా పేట్ బషీరాబాద్ పరిధిలోని పద్మానగర్లో నివాసముంటూ గచ్చిబౌలిలోని స్మాక్ ఎంటర్ప్రైస్లో అకౌంట్స్ విభాగంలో పనిచేస్తున్నారు.
లావాదేవీల్లో తేడాలే కారణమా?
ఇటీవల ఈ సంస్థ లావాదేవీల్లో తేడాలు రావడం వల్ల అవినాష్ దంపతులను యాజమాన్యం నిలదీసింది. ఈ నెల 9న లెక్కలన్నీ అప్పగిస్తామని యాజమాన్యంతో ఒప్పందం కుదుర్చుకున్నట్లు పేట్ బషీరాబాద్ సీఐ మహేశ్ తెలిపారు.
దంపతుల అదృశ్యం
ఈ క్రమంలో సంస్థ యాజమాన్యం ఈనెల 9న అవినాష్ దంపతులకు ఫోన్ చేయగా ఎవరూ స్పందించక పోవడం వల్ల వారి కుటుంబ సభ్యులకు సమాచారం అందించారు. అవినాష్ తల్లి... తమ కుమారుడు-కోడలు అదృశ్యమైనట్లు ఫిర్యాదు చేయగా... కేసు నమోదు చేసుకుని దర్యాప్తు చేస్తున్నట్లు సీఐ మహేశ్ పేర్కొన్నారు. దంపతుల కాల్ డేటాను పరిశీలిస్తున్నట్లు వెల్లడించారు.
- ఇదీ చూడండి : ఆ పని తప్పన్నందుకు... కన్న కూతురినే చంపేసింది
