మొసలి దాడి... వ్యక్తి మృతి

మొసలి దాడి చేసిన ఘటనలో ఓ వ్యక్తి ప్రాణాలు కోల్పోయాడు. పశువులను మేపడానికి కృష్ణానదిలోకి వెళ్లిన వ్యక్తిపై మొసలి దాడి చేసిన ఘటన నారాయణపేట జిల్లాలో చోటుచేసుకుంది.

నారాయణపేట జిల్లా మాగనూరు మండలం మందిపల్లిలో మొసలి దాడి చేయగా ఓ వ్యక్తి ప్రాణాలు కోల్పోయాడు. గ్రామానికి చెందిన పెద్ద బుగ్గప్ప పశువులను మేపడానికి కృష్ణా నదిలోకి పశువులు తీసుకెళ్లగా అతడిపై మొసలి దాడిచేసింది. పక్కనే ఉన్న హనుమంతు అనే వ్యక్తి కేకలు వేయగా బుగ్గప్పను మొసలి నదిలోకి తీసుకువెళ్ళింది. గ్రామస్థులందరూ వలలు వేసి గాలింపు చర్యలు చేపట్టగా రాత్రి 7:30 ప్రాంతంలో బుగ్గప్ప శవం దొరికింది. ఈ ఘటనపై పోలీసులు కేసు నమోదు చేసుకొని దర్యాప్తు చేపట్టారు.

ఇదీ చదవండి: 'నిర్భయ' దోషికి క్షమాభిక్ష వద్దు: దిల్లీ ప్రభుత్వం