ఎగువన కురిసిన భారీ వర్షాలకు కృష్ణమ్మ ఉరకలు వేస్తోంది. నాగార్జున సాగర్ జలాశయం ఎగువ నుంచి 4లక్షల 31 వేల క్యూసెక్కుల వరద వస్తున్నందున సాగర్ జలాశయం 18 క్రస్ట్ గేట్లను ఎత్తారు. 15 అడుగుల మేరకు గేట్లు ఎత్తి 3 లక్షల 31 వేల క్యూసెక్కుల వరదను దిగువకు విడుదల చేస్తున్నారు. జలాశయం నీటి మట్టం 590 అడుగులు కాగా 589.55 అడుగుల వద్ద నీటిని నిల్వ చేస్తూ 3 లక్షల 50 వేల క్యూసెక్కుల నీటిని కిందికి వదిలారు. ప్రస్తుతం సాగర్లో 312 టీఎంసీలకు 310.55 టీఎంసీల నీటి నిల్వ ఉంది. ప్రధాన విద్యుత్ ఉత్పత్తి కేంద్రం ద్వారా 32 వేల క్యూసెక్కుల నీరు దిగువకు విడుదల చేస్తున్నారు. సాగర్ కుడి, ఎడమ కాలువలకు 10 వేల క్యూసెక్కులు సాగు నీటికి విడుదల చేస్తున్నారు.
ఉరకలు వేస్తోన్న కృష్ణమ్మ
