గోడ కూలి బాలుడు మృతి

జోగులాంబ గద్వాల జిల్లా రాజపురం గ్రామంలో విషాదం చోటుచేసుకుంది. స్నేహితులతో అప్పటి వరకూ సంతోషంగా అడుకుంటున్న ఆ బాలుడిని ప్రహారీ గోడ రూపంలో మృత్యువు కబలించింది.

జోగులాంబ గద్వాల జిల్లా ఐజ మండలం రాజపురం గ్రామంలో అంగన్వాడీ పాఠశాల గోడ కూలి మూడు సంవత్సరాల బాలుడు మృతి చెందాడు. వీరుపాక్షమ్మ, గోపాల్ కుమారుడు అంగన్వాడీ భవనం దగ్గర వరండాలో స్నేహితులతో కలిసి ఆడుకుంటుండగా కొత్తగా నిర్మించిన గోడ కూలిపోయింది. ఈ ఘటనలో బాలుడు అక్కడిక్కడే మృతి చెందాడు. పసిబాలుడు చనిపోవటం వల్ల గ్రామంలో విషాదఛాయలు అలుముకున్నాయి. సంఘటన స్థలానికి చేరుకున్న అధికారులు దర్యాప్తు చేపట్టారు.

ఇదీ చూడండి : శిశువు మరణంపై కలెక్టర్​ విచారణ... ఇద్దరు వైద్యుల సస్పెండ్​