జీవితం మీద విరక్తితో మహిళ ఆత్మహత్య

జీవితం మీద విరక్తితో ఓ మహిళ ఆత్మహత్యకు పాల్పడిన ఘటన... జనగామ జిల్లా తరిగొప్పులలో చోటుచేసుకుంది.

జనగామ జిల్లా తరిగొప్పులలో దారుణం చోటుచేసుకుంది. జీవితం మీద విరక్తి చెంది గాలి కౌసల్య అనే వివాహిత కిరోసిన్​ పోసుకొని, నిప్పంటించుకొని ఆత్మహత్య చేసుకుంది. చిన్నప్పటి నుంచే కౌసల్య అంగవైకల్యంతో బాధపడుతుండేది. దీనికి తోడు ఇటీవల పక్షవాతం వచ్చింది.

మనస్తాపంతో మధ్యాహ్నం ఇంట్లో ఎవరు లేని సమయంలో ఈ అఘాయిత్యానికి పాల్పడినట్లు తెలుస్తోంది. భర్త ఫిర్యాదుతో పోలీసులు కేసు నమోదు చేసి దర్యాప్తు ప్రారంభించారు.