'పక్షవాతాన్ని ఎదుర్కునేందుకు... స్ట్రోక్​ కేర్​ ఆన్​ వీల్స్​'

తెలుగు రాష్ట్రాల్లో మొట్టమొదటి సారిగా యశోదా ఆస్పత్రి స్ట్రోక్ కేర్ ఆన్ వీల్స్ పేరుతో ప్రత్యేక అంబులెన్సులను అందుబాటులోకి తీసుకువచ్చింది. వరల్డ్ స్ట్రోక్ డే సందర్భంగా అందుబాటులోకి తెచ్చిన ఈ సరికొత్త సేవలను రాష్ట్ర వైద్య ఆరోగ్య, కుటుంబ సంక్షేమ శాఖ స్పెషల్ చీఫ్ సెక్రటరీ శాంతి కుమారి సికింద్రాబాద్ యశోద ఆస్పత్రిలో ప్రారంభించారు.

ప్రపంచ వ్యాప్తంగా మరణాలకు, అంగవైకల్యానికి దారి తీస్తున్న రెండో కారణం పక్షవాతమని యశోద గ్రూప్​ ఆఫ్​ హాస్పిటల్స్​ ఎండీ డాక్టర్​ జీఎస్​ రావు అన్నారు. తెలుగు రాష్ట్రాల్లో మొట్టమొదటి సారిగా యశోదా ఆస్పత్రి స్ట్రోక్ కేర్ ఆన్ వీల్స్ పేరుతో స్పెషల్ అంబులెన్సులను అందుబాటులోకి తీసుకొచ్చింది. పక్షవాతాన్ని ఎదుర్కొనేందుకు వీలుగా ఈ స్ట్రోక్ కేర్ ఆన్​వీల్స్​ని అందుబాటులోకి తీసుకువచ్చామని ఆయన పేర్కొన్నారు. స్ట్రోక్ కేర్ ఆన్ వీల్స్ స్పెషల్ ఆంబులెన్స్​లో సీటీ స్కాన్, మొబైల్ స్ట్రోక్ యూనిట్స్, డాక్టర్ , నర్సు సహా ప్రత్యేకమైన యూనిట్లు అందుబాటులో ఉంటాయని పేర్కొన్నారు. యశోదా ఆస్పత్రి వారు చేపట్టిన ఈ కార్యక్రమాన్ని వైద్య ఆరోగ్య శాఖ స్పెషల్ చీఫ్ సెక్రటరీ శాంతి కుమారి అభినందించారు. కార్యక్రమంలో ప్రముఖ న్యూరాలజిస్ట్ డాక్టర్ కోమల్ కుమార్, న్యూరో ఇంటర్​నేషనల్​ రేడియాలజిస్ట్ డాక్టర్ సురేష్ సహా పలువురు ప్రముఖులు పాల్గొన్నారు.

ఇదీ చూడండి: అపరిశుభ్రమైన ఆవరణలో ప్రభుత్వాసుపత్రి