హైదరాబాద్ ముషీరాబాద్లోని పార్శిగుట్ట చౌరస్తాలో నూతనంగా ఏర్పాటు చేసిన మద్యం దుకాణానికి వ్యతిరేకంగా మహిళలు ఆందోళన చేశారు. వైన్ షాప్ ముందు మహిళలు ధర్నా నిర్వహించారు. అదే సమయంలో సరుకుతో వచ్చిన వాహనం ముందు బైఠాయించారు. మహిళలపై వైన్ షాప్ నిర్వాహకులు మద్యం బాటిల్తో దాడికి పాల్పడ్డారు. ఈ ఘటనలో వృద్ధురాలు శశిరేఖకు తీవ్రగాయాలు కాగా మరో మహిళ స్వల్పకు గాయమైంది.
ప్రతిపక్షాల మద్దతు
మద్యం దుకాణం ఏర్పాటు చేయొద్దని డిమాండ్ చేస్తూ తెలంగాణ జన సమితి, సీపీఐ ఎంఎల్ న్యూ డెమోక్రసీ పార్టీలకు చెందిన పలువురు నాయకులు మహిళలకు మద్దతుగా నిలిచారు. ప్రజల సంక్షేమానికి వ్యతిరేకంగా ప్రభుత్వం వైన్స్, బార్లకు అనుమతి ఇవ్వడంపై నేతలు, స్థానిక మహిళలు తీవ్ర ఆగ్రహం వ్యక్తం చేశారు. స్థానిక అధికార పార్టీ నేతల తీరుపై మహిళలు మండిపడ్డారు.
మరోవైపు పార్శిగుట్ట సమీపంలోని మూన్ రాక్ బార్ తెరచి ఉండడాన్ని గమనించిన మహిళలు బార్ లోపలికి దూసుకు వెళ్లారు. లోనికి వెళ్లిన మహిళలపై వైన్స్ నిర్వాహకులు దాడికి యత్నించగా వారు తప్పించు కున్నారు.
ఇవీ చూడండి: త్వరలో మద్యం ధరలు పెంపు..?
