తెలంగాణ వ్యాప్తంగా పురపాలికలతో పాటు 9 స్థానాలకు జరిగిన నగరపాలక సంస్థల ఫలితాల్లో తెరాస హవా కొనసాగుతోంది.
బడంగ్పేట కార్పొరేషన్ పరిధిలోని 32 డివిజన్లలో ఇప్పటి వరకు 4 స్థానాల్లో తెరాస విజయం సాధించగా కాంగ్రెస్, భాజపా చెరో 2, ఇతరులు ఒక స్థానంలో గెలుపొందారు. బండ్లగూడ జాగీర్లోని 22 డివిజన్లలో తెరాస 5, కాంగ్రెస్ 3 స్థానాలు కైవసం చేసుకున్నాయి.
బోడుప్పల్ నగరపాలక సంస్థ పరిధిలోని 28 డివిజన్లలో ఇప్పటి వరకు తెరాస ఖాతా తెరవలేదు. కాంగ్రెస్, ఇతరులు చెరో స్థానంలో గెలుపొందారు. పీర్జాదిగూడ కార్పొరేషన్లోని 26 డివిజన్లలో తెరాస 3 స్థానాల్లో గెలుపొందింది. జవహార్నగర్ పరిధిలోని 28 డివిజన్లలో తెరాస4, కాంగ్రెస్ 1, ఇతరులు 1 స్థానంలో విజయం సాధించారు.
నిజాంపేట కార్పొరేషన్ పరిధిలో 33 డివిజన్లలో తెరాస 3, ఇతరులు 1 స్థానంలో గెలుపొందారు. ఇప్పటి వరకు మొత్తం నగరపాలక సంస్థల ఫలితాలు పరిశీలిస్తే తెరాస 30 డివిజన్లలో విజయం సాధించగా... కాంగ్రెస్ 7, భాజపా 6, ఇతరులు 7 డివిజన్లలో గెలుపొందారు.
