ముగిసిన మున్సిపల్​ ఎన్నికల ప్రచారం

హోరాహోరీగా సాగిన మున్సిపల్​ ఎన్నికల ప్రచారానికి తెరపడింది. పట్టణాల్లో మారుమోగుతున్న డప్పు చప్పుళ్లు, నినాదాల హోరు, కళాకారుల గొంతులు మూగబోయాయి. మైకులు బంద్​ అయ్యాయి. పుర ఎన్నికలను ప్రతిష్ఠాత్మకంగా తీసుకున్న అధికార పక్షంతో పాటు ప్రధాన ప్రతిపక్షాల.. విమర్శలు, ప్రతి విమర్శలు ఆగిపోయాయి. సభలు, సమావేశాలు సమాప్తమయ్యాయి. రాష్ట్ర వ్యాప్తంగా 120 మున్సిపాలిటీలు,9 కార్పొరేషన్లకు ఈనెల 22న పోలింగ్​ జరగనుంది. పోటీలో ఉన్న అభ్యర్థుల భవితవ్యం ఈనెల 25న తెలనుంది. అధికారులు ఇప్పటికే పోలింగ్​​ ఏర్పాట్లలో నిమగ్నమయ్యారు. అభ్యర్థులు గెలుపు కోసం... తెర చాటు ప్రయత్నాలు ఊపందుకోనున్నాయి. అభ్యర్థులందరికీ ఈ కాస్త సమయమే చాలా కీలకం.

.