హైదరాబాద్లోని కాచిగూడ రైల్వేస్టేషన్‌లో చోటుచేసుకున్న రైలు ప్రమాదంలో సహాయక చర్యలు కొనసాగుతున్నాయి. ప్రమాదంలో గాయపడిన 12 మందిని ఉస్మానియా, కిమ్స్ ఆస్పత్రుల్లో చికిత్స అందిస్తున్నారు. స్వల్పగాయాలైన ఇద్దరికి చికిత్స అనంతరం డిశ్చార్జి చేశారు. కేబిన్‌లో చిక్కుకున్న ఎంఎంటీఎస్ లోకో పైలెట్‌ను వెలికి తీసేందుకు రైల్వే, ఎన్డీఆర్‌ఎఫ్‌ సిబ్బంది నాలుగు గంటలుగా ప్రయత్నిస్తున్నారు. గ్యాస్‌కట్టర్‌తో కేబిన్‌ను కత్తిరిస్తున్నారు. లోకో పైలెట్ చంద్రశేఖర్కు ప్రాణాపాయం కలగకుండా వైద్యులు ఆక్సిజన్‌, సెలైన్‌ అందిస్తున్నారు. హంద్రీ ఎక్స్‌ప్రెస్‌ లోకోపైలట్‌ రక్తనమూనాలకు కూడా వైద్యాధికారులు సేకరించారు. సిగ్నల్‌ వ్యవస్థలో లోపం వల్లే ప్రమాదం జరిగినట్లు ప్రాథమిక దర్యాప్తులో తేలిందని పోలీస్ ఉన్నతాధికారి రమేశ్ తెలిపారు.
ఇవీ చూడండి:ఎంఎంటీఎస్ ప్రమాదంలో 12కు చేరిన క్షతగాత్రుల సంఖ్య
