మహిళను వేధించిన కేసులో వ్యక్తికి జైలు శిక్ష

చిలకలగూడ పోలీస్​ స్టేషన్​ పరిధిలో ఓ మహిళను వేధిస్తున్న కేసులో ఈనెల 10న అరెస్టైన దుబ్బాక రమేశ్​ అనే వ్యక్తికి సిటీ సివిల్​​ కోర్టు మూడు రోజుల జైలు శిక్ష, జరిమానా విధించింది.

ఈనెల 10వ తేదీన చిలగలగూడ పోలీస్​స్టేషన్​ పరిధిలోని ఆలుగడ్డ భావి ప్రాంతానికి చెందిన దుబ్బాక రమేశ్​ అనే వ్యక్తి స్థానిక మార్కెట్​ వద్ద ఓ యువతితో అసభ్యంగా ప్రవర్తించాడు. వెంటనే యువతి చిలకలగూడ పోలీసులకు సమాచారం అందించింది. ఘటనా స్థలికి చేరుకున్న పోలీసులు రమేశ్​ను అదుపులోకి తీసుకున్నారు. అతనిపై కేసు నమోదు చేసి కోర్టులో హాజరు పరచగా.. సిటీ సివిస్​​ కోర్టు అతనికి మూడు రోజుల జైలు శిక్ష, జరిమానా విధించింది.

ఇదీ చూడండి : తెలంగాణ విశ్వవిద్యాలయం.. సమస్యల వలయం