పాతబస్తీలో ఇంటర్ విద్యార్థిని ఆత్మహత్య

కళాశాలకు మొబైల్ ఫోన్ తీసుకొచ్చిందని యాజమాన్యం తల్లిదండ్రులకు ఫిర్యాదు చేయడం వల్లో లేదా తనకు ఉద్యోగం రావడం లేదనో పాతబస్తీకి చెందిన ఓ ఇంటర్ విద్యార్థిని ఆత్మహత్య చేసుకుంది.

హైదరాబాద్ పాతబస్తీ ఛత్రినాక పోలీస్ స్టేషన్​ పరిధిలోని ఉప్పుగూడ ప్రాంతంలో ఓ ఇంటర్ విద్యార్థిని ఆత్మహత్య చేసుకుంది. 17 ఏళ్ల జయలక్ష్మి ఇంట్లో ఎవరూ లేని సమయంలో ఫ్యాన్​కు ఉరివేసుకొని ప్రాణాలు విడిచింది. జయలక్ష్మి బాలాపూర్ చౌరస్తాలోని ఓ ప్రైవేట్ కళాశాలలో ఇంటర్మీడియట్ ద్వితీయ సంవత్సరం చదువుతోంది. ఆమె కళాశాలకు మొబైల్ ఫోన్ తీసుకొచ్చిందని యాజమాన్యం తల్లిదండ్రులను పిలిచి ఫిర్యాదు చేశారు. ఈ విషయానికో లేదా తనకు ఉద్యోగం రాలేదనో ఆమె బలవన్మరణానికి పాల్పడినట్లు పోలీసులు చెబుతున్నారు. జయలక్ష్మి చనిపోయే ముందు తనకు ఉద్యోగం రాకపోవడం వల్లే ఆత్మహత్య చేసుకుంటున్నట్లు సూసైడ్ నోటు రాసిందని పోలీసులు వెల్లడించారు. ఆత్మహత్యకు గల కారణాలు పలు అనుమానాలకు తావిస్తున్నాయి. అసలు జయలక్ష్మి ఎందుకు చనిపోయిందో... దర్యాప్తు చేస్తే తప్ప చెప్పలేమని పోలీసులు పేర్కొన్నారు.

ఇవీ చూడండి: ఆర్టీసీ రూట్ల ప్రైవేటీకరణ విచారణ సోమవారానికి వాయిదా