ఇండియా జాయ్ డిజిటల్ మీడియా రెండో ఎడిషన్ భాగ్యనగరాన్ని పలకరించనుంది. ఈనెల 20 నుంచి 23 వరకు హైటెక్స్ వేదికగా ఇండియ్ జాయ్ ఈవెంట్ జరగనుంది. ఈ ఎడిషన్కు దాదాపు 30 వేల మంది హాజరయ్యే అవకాశం ఉందని నిర్వాహకులు చెబుతున్నారు.
విశేష స్పందన
ఇండియా జాయ్ ఈవెంట్కు సంబంధించి హైదరాబాద్ శిల్పకళా వేదికలో ఏర్పాటు చేసిన ఏఎస్ఐఎఫ్ఏ ఈవెంట్కు విశేష స్పందన లభించింది. సుమారు 2500 మంది విద్యార్థులు ఈ కార్యక్రమంలో పాల్గొన్నారు. డిజిటల్ ఎంటర్టైన్మెంట్ రంగానికి సంబంధించిన ప్రముఖులు.. విద్యార్థులకు డిజిటల్ మీడియాలో అవకాశాలు, నైపుణ్యాలకు సంబంధించిన పలు అంశాలు వివరించారు.
200 వర్క్షాప్స్
ఇండియా జాయ్ ఈవెంట్లో... ఎంటర్టైన్మెంట్, వీఎఫ్ఎక్స్, ఈ-స్పోర్ట్స్, ఓటీటీప్లస్ , ఇన్వెస్టర్ - పబ్లిషర్ కనెక్ట్ , ఇండియా గేమ్ డెవలపర్ కాన్ఫరెన్స్ సహా దాదాపు 200 వరకు వర్కషాప్స్ కాన్ఫరెన్స్ లు జరగనున్నాయి.
నాలుగు రోజులు
తెలంగాణ ప్రభుత్వం, ఇండియా జాయ్ సంయుక్తంగా నిర్వహిస్తున్న ఈ కార్యక్రమం ఈ నెల 20 నుంచి 23 వరకు నాలుగు రోజుల పాటు సాగనుంది. ఈ కార్యక్రమంలో పాల్గొనాలనుకునే వారు ఆన్లైన్లో రిజిస్టర్ చేసుకోవచ్చని నిర్వాహకులు తెలిపారు. డిజిటల్ ఎంటర్టైన్మెంట్ రంగంలో రాణించాలనుకునే వారికి ఇది చక్కని అవకాశమని చెబుతున్నారు.
- ఇదీ చూడండి : విద్యార్థుల పరిశోధనలు ఆగకూడదు: గవర్నర్ తమిళిసై
