స్పందించిన కేంద్రమంత్రి కిషన్​రెడ్డి... కలెక్టర్​కు ఆదేశాలు!

భాగ్యనగరంలో పట్టెడన్నం దొరకని నిరుపేదలు ఎంతో మంది ఉన్నారు. వారి దయనీయ జీవనానికి ఈ చిత్రం నిదర్శనం. ఆకలి తీరే దారి లేక కొందరు బస్తీ చిన్నారులు మధ్యహ్న భోజన సమయంలో పాఠశాల చెంతకు చేరుతున్నారు. విద్యార్థులు తినగా మిగిలిన ఆహారం తమకు పెడతారనే ఆశతో చేతిలో గిన్నె పట్టుకుని గంట ఎప్పుడు మోగుతోందో అని తరగతి గది ముందు నిరీక్షిస్తోన్న ఓ బాలిక ఫొటో ఈనాడులో ప్రచురితమైంది. ఈ చిత్రాన్ని చూసిన విద్యాశాఖ ఆ బాలికకు పాఠశాలలో ప్రవేశం కల్పించింది. కేంద్ర హోంశాఖ సహాయమంత్రి కిషన్ రెడ్డి సైతం ఈ విషయంలో స్పందించారు.

హైదరాబాద్​ ఎంతో గొప్ప నగరంగా పేరొందుతోంది. ఈ మహానగరంలో కోటీశ్వరులున్నారు. పట్టెడన్నం దొరకని నిరుపేదలు ఉన్నారు. గుడిమల్కాపూర్​లో నవోదయ కాలనీలోని ఓ పాఠశాలలో హృదయాన్ని కదిలించే ఘటన జరిగింది. ఓ చిన్నారి తినడానికి అన్నం లేక పాఠశాల మధ్యాహ్న భోజనం కోసం తరగతి గదిలోకి చూస్తుంది. విద్యార్థులు తినగా మిగిలిన ఆహారం తమకు పెడతారనే ఆశతో చేతిలో గిన్నె పట్టుకుని గంట ఎప్పుడు మోగుతోందో అని తరగతి గది ముందు నిరీక్షిస్తోన్న చిత్రం ఈనాడులో ప్రచురితమైంది. ఈ చిత్రం విద్యాశాఖ అధికారులను కదిలించింది. ఆ బాలికకు పాఠశాలలో ప్రవేశం కల్పించారు.

కేంద్ర మంత్రి కిషన్​ రెడ్డి కార్యాలయం స్పందన....

గుడి మల్కాపూర్​ నవోదయ కాలనీ ప్రభుత్వ పాఠశాల వద్ద పట్టెడన్నం కోసం ఓ చిన్నారి తరగతి గదిలోకి చూస్తున్న ఘటనపై కేంద్ర హోంశాఖ సహాయ మంత్రి కిషన్​ రెడ్డి కార్యాలయం ఆరా తీసింది. బస్తీలోని పేద పిల్లల కోసం ఎలాంటి పథకాలు అమలు చేస్తున్నారు... వాటి అమలు తీరు ఎలా ఉంది అనే అంశాలతో నివేదిక సమర్పించాలని కలెక్టర్​ను ఆదేశించింది. పేద పిల్లల ఆకలి తీర్చడం కోసం తగు చర్యలు తీసుకోవాలని కలెక్టర్​కు సూచించింది..

ఇదీ చూడండి: వాయుకాలుష్యం ధాటికి మాస్కులు ధరిస్తున్న దేవుళ్లు