1600 ఆస్పత్రులకు అగ్నిమాపక అనుమతులపై నోటీసులు

నగరంలోని అన్ని ఆసుపత్రుల్లో అగ్నిమాపక అనుమతులు తీసుకోవాలని... లేకుంటే కఠిన చర్యలు తప్పవని జీహెచ్​ఎంసీ విపత్తు నిర్వహణ అధికారి విశ్వజిత్​ హెచ్చరించారు. ఎల్బీనగర్​ షైన్​ పిల్లల ఆస్పత్రిలో జరిగిన అగ్నిప్రమాదంపై విచారణపై నోటీసులు జారీ చేసినట్లు తెలిపారు.

హైదరాబాద్​ ఎల్బీనగర్ షైన్​ ఆసుపత్రి ఘటనపై విచారణ మొదలు పెట్టినట్లు జీహెచ్ఎంసీ విపత్తు నిర్వహణ శాఖ సంచాలకులు విశ్వజిత్ తెలిపారు. అగ్నిప్రమాదంపై 3 నెలల్లోగా వివరణ ఇవ్వాలని నోటీసులు జారీచేసినట్లు పేర్కొన్నారు. ఇలాంటి ఘటనలు పునరావృతం కాకుండా చర్యలు తీసుకోవాలని మంత్రి కేసీఆర్​ ఆదేశించారన్నారు. ప్రాథమిక విచారణలో ఆసుపత్రి వాళ్లు ఎలాంటి అగ్నిమాపక అనుమతులు తీసుకోలేదని తేలిందన్నారు. శనివారం నుంచి నగరంలోని 1600 ఆసుపత్రులకు నోటీసులు జారీ చేయనున్నట్లు వెల్లడించారు. ఇప్పటికే అగ్నిమాపక అనుమతులు లేని బార్లు, పబ్బులు, పాఠశాలలకు నోటీసులు అందించామన్నారు. ప్రభుత్వ ఆసుపత్రుల్లోనూ... ఈ అంశంపై విచారిస్తామని వెల్లడించారు. జాగ్రత్తలు తీసుకోని ఆస్పత్రులపై కఠిన చర్యలు తీసుకుంటామని విశ్వజిత్​ హెచ్చరించారు.

ఇవీ చూడండి: ప్రగతి భవన్​ బయల్దేరిన రేవంత్​... అరెస్ట్