అక్రమంగా ఎర్రచందనం తరలిస్తోన్న ముఠా అరెస్టు
ఎర్రచందనాన్ని అక్రమంగా తరలిస్తోన్న అంతర్రాష్ట్ర స్మగ్లర్ల ముఠాను టాస్క్ఫోర్స్ పోలీసులు అరెస్టు చేశారు. నిందితుల వద్ద నుంచి 2.5 టన్నుల ఎర్రచందనాన్ని స్వాధీనం చేసుకున్నారు. ఆంధ్రప్రదేశ్లోని కడప జిల్లా నుంచి ఎర్రచందనాన్ని నగరానికి తీసుకుచ్చి... రంగారెడ్డి జిల్లాలోని పెద్ద షాపూర్ వద్ద నిల్వ చేసేందుకు తరలిస్తుండగా అమీర్పేట్ వద్ద పోలీసులు వారిని పట్టుకున్నారు. ఎర్రచందనం విలువ అంతర్జాతీయ మార్కెట్లో రూ.6 నుంచి 8 కోట్ల రూపాయల వరకు ఉంటుందని పోలీస్ కమిషనర్ అంజనీకుమార్ తెలిపారు. నిందితుల వద్ద ఎర్రచందనంతో పాటు ఓ కారు, 5 ఫోన్లు స్వాధీనం చేసుకున్నట్లు వివరించారు. నిందితులు ఎన్. రాధాకృష్ణ, కె. చంద్ర, చెన్నయ్య, రామ్ సేవక్ కుమార్లుగా సీపీ వెల్లడించారు.
ఇదీ చూడండి: వాయుకాలుష్యం ధాటికి మాస్కులు ధరిస్తున్న దేవుళ్లు
