అక్రమంగా మద్యం తరలిస్తున్న వ్యక్తి అరెస్ట్​

తెలంగాణ నుంచి ఏపీకి అక్రమంగా మద్యం తరలిస్తున్న వ్యక్తిని ఆంధ్రప్రదేశ్​లోని అనంతపురం జిల్లా కాళసముద్రంలో పోలీసులు అరెస్ట్ చేశారు. శ్రీనివాసులు అనే వ్యక్తి నిబంధనలకు విరుద్ధంగా మద్యాన్ని విక్రయిస్తున్నట్లు పోలీసులు వెల్లడించారు. అతని వద్ద నుంచి 218 మద్యం సీసాలను స్వాధీనం చేసుకున్నారు.

తెలంగాణ రాష్ట్రం నుంచి ఏపీకి అక్రమంగా మద్యం తరలిస్తున్న వ్యక్తిని పోలీసులు అరెస్ట్ చేశారు. ఆంధ్రప్రదేశ్​లోని అనంతపురం జిల్లా బుక్కరాయసముద్రానికి చెందిన శ్రీనివాసులు... హైదరాబాద్‌లో నివాసం ఉంటున్నాడు. ఏపీలో మద్యం డిమాండ్‌ను గుర్తించిన ఆయన తెలంగాణలో మద్యాన్ని కొనుగోలు చేసి కదిరి ప్రాంతవాసులకు టోకుగా విక్రయిస్తున్నాడు. హైదరాబాద్ నుంచి మద్యాన్ని రైలులో తరలిస్తుండగా.. సమాచారం అందుకున్న ఎక్సైజ్ పోలీసులు కాళసముద్రం వద్ద నిందితుడి కోసం మాటు వేసి అతన్ని అదుపులోకి తీసుకున్నారు. 218 మద్యం సీసాలను స్వాధీనం చేసుకున్నారు.

ఇవీ చూడండి : ఇకపై షీ టీమ్స్​కు రాష్ట్ర స్థాయి బృందం: స్వాతి లక్రా