బతికినన్నాళ్లు ఎలా బతికినా పోయేలోపు నలుగురికి ఉపయోగపడే పనులు ఏమైనా చేసే పోవాలి అంటారు పెద్దలు. మాట సాయం చేయడానికే మనుషులు కరవైపోతున్న ఈ రోజుల్లో... తన ప్రాణం పోయినా తర్వాత అవయవాలు అవసరమైన వారికి ఉపయోగపడాలనుకునే వారు అరుదు. అలాంటి కోవలోకి వస్తుంది హైదరాబాద్కు చెందిన చరితా రెడ్డి.
మూడు రోజుల కిందట అమెరికా లాన్సింగ్లో జరిగిన కారు ప్రమాదంలో హైదరాబాద్ నేరెడ్మెట్కు చెందిన చరితారెడ్డి మృతిచెందింది. ఈ ఘటనలో ఆమె బ్రెయిన్‌డెడ్‌ అయినట్లు ముస్కేగాన్‌ ఆస్పత్రి వైద్యులు వెల్లడించారు. మరణానతరం తల్లిదండ్రుల అంగీకారంతో అవయవదానం చేశారు. జ్ఞాపకాలను తల్లిదండ్రులకు మిగిల్చి... తొమ్మిది కుటుంబాల్లో వెలుగులు నింపింది.
ధన సాయం చేస్తే ఖర్చు అయ్యే వరకూ గుర్తుండొచ్చు. మాట సాయం చేస్తే మనిషున్న వరకూ గుర్తుండొచ్చు. అవయవ దానంతో మరణానంతరం కూడా గుర్తుండి పోవడమే కాదు... ఎందరో జీవితాల్లో వెలుగులు నింపొచ్చు అనడానికి చరితారెడ్డి నిదర్శనం. ఆమె భౌతికంగానే దూరమవ్వొచ్చు కానీ... తొమ్మిది మంది జీవితాల్లో చిరస్థాయిగా నిలిచిపోతుంది.
ఇదీ చూడండి: నిన్న ఆత్మహత్యాయత్నం చేసిన మహిళ మృతి
