వివాహేతర సంబంధం పెట్టుకున్న భార్య గుట్టురట్టు చేశాడో ఓ భర్త. పోలీసులతో వచ్చి రెడ్హ్యాండెడ్గా పట్టుకున్నారు. సంతోష్ రెడ్డి అనే వ్యక్తికి 2010లో సూర్యాపేట జిల్లాకు చెందిన సమతతో వివాహమయింది. వీరికి ఇద్దరు పిల్లలు. 2014లో పై చదువుల కోసం సంతోష్ ఆస్ట్రేలియా వెళ్లాడు. కొంత కాలం తర్వాత సమతను ఆస్ట్రేలియాకు రావాలని కోరాడు. కానీ ఆమె ఎదో ఒక కారణం చూపుతూ వెళ్లలేదు. తన భార్య.. డాక్టర్ శివప్రసాద్తో వివాహేతర సంబంధం పెట్టుకుందని అనుమానం వ్యక్తం చేస్తూ అంత్తింటివారికి చెప్పారు. వారు పట్టించుకోవడంతోపాటు ఎదురు దాడికి దిగుతూ మూడు కోట్ల రూపాయలు ఇస్తే విడాకులు ఇప్పిస్తామని బెదిరించినట్లు బాధితుడు సంతోష్ రెడ్డి ఆవేదన వ్యక్తం చేశాడు.
అర్ధరాత్రి
20 రోజులు క్రితం ఎవరికి తెలియకుండా సంతోష్ హైదరాబాద్కు వచ్చారు. నిన్న అర్ధరాత్రి సమత వద్దకు శివప్రసాద్ వచ్చాడనే సమాచారం తెలుసుకుని భార్య ఉన్న ప్లాట్కు పోలీసులతో వచ్చి పట్టుకున్నారు. ప్లాట్లో సంతోష్ భార్య సమత, శివప్రసాద్తో పాటు మరో ఇద్దరు నరేశ్, విశాల ఉన్నారు. శివప్రసాద్, నరేశ్, విశాలపై 408, 506 సెక్షన్ల కింద కేసు నమోదు చేసినట్లు సీఐ తెలిపారు. సమతపై సుప్రీం కోర్టు గైడ్ లైన్స్ ప్రకారం చర్యలు తీసుకుంటామన్నారు.
ఇవీ చూడండి: విధుల్లోకి తీసుకుంటారని భావిస్తున్నాం: అశ్వత్థామరెడ్డి
