ఆదిలాబాద్ కుర్షిద్నగర్లో దారుణం చోటుచేసుకుంది. సొంత బావమరిదిని కత్తితో పొడిచి బావ హతమార్చాడు. 14 ఏళ్ల క్రితం పట్టణానికి చెందిన ఒసావర్ సంతోష్కు, మహాహాష్ట్రలోని దహెల్లితండాకు చెందిన మమతకు వివాహమైంది. వీరికి ఇద్దరు పిల్లలు ఉన్నారు. కొంత కాలంగా భార్యభర్తల మధ్య గొడవ జరిగింది. విసుగుచెందిన మమత పుట్టింటికి వెళ్లింది. మమత సోదరుడు మనోజ్ ఇటీవల పెద్దమనుషుల వద్ద పంచాయతీ పెట్టించి... వివాదం సద్దుమణిగేలా చేశాడు.
కలిసి మెలిసి ఉండాలన్న మనోజ్పై... సంతోష్ పగ పెంచుకొని అదను కోసం ఎదురుచూస్తున్నాడు. ఇవాళ ఉదయం సోదరిని చూసేందుకు మనోజ్ ఆదిలాబాద్కు వచ్చాడు. పిల్లలకు కొత్త బట్టలు కూడా కొనిచ్చినట్లు తెలుస్తోంది. పగతో రగిలిపోతున్న మనోజ్... టీ తాగేందుకని బయటకు తీసుకెళ్లాడు. ఇదే అదనుగా కత్తితో అతి కిరాతకంగా పొడిచి హతమార్చాడు. పోలీసులు ఘటనాస్థలికి చేరుకొని కేసు నమోదు చేసి దర్యాప్తు ప్రారంభించారు.
ఇవీ చూడండి: ఆర్టీసీ రూట్ల ప్రైవేటీకరణ విచారణ సోమవారానికి వాయిదా
