గోవాలో ఓ ఆవు ఫుట్బాల్ ఆడుతున్న వీడియో ఇప్పుడు సోషల్ మీడియాలో వైరల్గా మారింది. క్రికెట్ వ్యాఖ్యాత హర్షాబోగ్లే సోమవారం ఆవు ఫుట్బాల్ ఆడే వీడియోను ట్విట్టర్లో పోస్ట్ చేశారు. ప్రస్తుతం అది అత్యధిక లైక్‌లు, రీట్వీట్‌లతో దూసుకుపోతోంది. ఈ ఘటన ఎప్పుడు జరిగింది.. ఎక్కడ జరిగింది..? అనే విషయంలో బోగ్లే స్పష్టత ఇవ్వలేదు. కానీ.. మైదానంలో ఉన్న ఆటగాళ్లు మాట్లాడిన భాష కొంకణి కావడం వల్ల గోవా అయి ఉండొచ్చని అంచనా వేస్తున్నారు.
స్థానిక యువకులు ఫుట్బాల్ ఆడుతుండగా బంతి ఆవు సమీపంలో పడింది. అంతే అది కూడా ఆటకు రెడీ అన్నట్టు బంతిని తన దగ్గరే పెట్టుకుంది. ఎవరైనా బంతి కోసం దగ్గరికి వెళ్తే కస్సుమంది. ఓ యువకుడు కాస్త ధైర్యం చేసి బంతిని లాక్కొని మరో వ్యక్తి వైపు విసిరాడు. అప్పటికీ పట్టువిడువని ఆ గోమాత బంతి ఎటువైపు విసిరితే అటువైపు వెళ్తూ ఛేజింగ్ చేసింది. ఆవు ఫుట్బాల్ నైపుణ్యం చూసిన నెటిజన్లు... రొనాల్డో, మెస్సీ కూడా దీని ముందు మోకరిల్లాల్సిందేనని కామెంట్లు పెడుతున్నారు. అంతేకాదు దానికో జెర్సీ ఇవ్వాలంటూ ఫన్నీ ట్వీట్లు చేస్తున్నారు.
