వార్నర్ విధ్వంసం.. పుట్టినరోజునే శతకంతో ప్రతాపం

ఆడిలైడ్ వేదికగా శ్రీలంకతో జరిగిన తొలి టీ20లో.. ఆసీస్ ఓపెనర్​ డేవిడ్ వార్నర్ శతకంతో విజృంభించాడు. పుట్టినరోజు నాడే ఈ ఫార్మాట్​లో తొలి సెంచరీ నమోదు చేశాడు. జట్టుకు భారీ విజయాన్ని అందించాడు. ఈ మ్యాచ్​లో 134 పరుగుల తేడాతో విజయం సాధించింది ఆస్ట్రేలియా.

దీపావళి రోజున భారత్​లో పేలాల్సిన టపాసుల మోత ఆస్ట్రేలియా ఆడిలైడ్​లో మోగింది. ఆ జట్టు ఓపెనర్ డేవిడ్ వార్నర్​.. శ్రీలంకతో జరిగిన తొలి టీ20లో విశ్వరూపం చూపించాడు. పొట్టి ఫార్మాట్​లో ఇప్పటివరకు శతకాన్ని అందుకోని ఈ క్రికెటర్.. ఈ మ్యాచ్​లో ఆ ఘనత సాధించాడు. నేడు అతడి పుట్టినరోజు కావడం మరో విశేషం.

• His first T20I 100, and off only 56 balls!
  
  Well played to the birthday boy, David Warner! 🔥#AUSvSL pic.twitter.com/scf4ATaDP4

  — cricket.com.au (@cricketcomau) October 27, 2019 " class="align-text-top noRightClick twitterSection" data="

  His first T20I 100, and off only 56 balls!
  
  Well played to the birthday boy, David Warner! 🔥#AUSvSL pic.twitter.com/scf4ATaDP4

  — cricket.com.au (@cricketcomau) October 27, 2019

  ">

  His first T20I 100, and off only 56 balls!
  
  Well played to the birthday boy, David Warner! 🔥#AUSvSL pic.twitter.com/scf4ATaDP4

  — cricket.com.au (@cricketcomau) October 27, 2019

56 బంతుల్లో 100 పరుగులు పూర్తి చేసి విధ్వంసం సృష్టించాడు వార్నర్. ఇందులో 10 ఫోర్లు, 4 సిక్సర్లు ఉన్నాయి. ప్రత్యర్థి బౌలర్లపై విరుచుకుపడి జట్టుకు భారీ స్కోరు అందించాడు. ఫలితంగా శ్రీలంక.. 134 పరుగుల తేడాతో ఘోర పరాజయం చవిచూసింది.

కెప్టెన్ అరోన్ ఫించ్​(64: 36 బంతుల్లో)తో కలిసి తొలి వికెట్​కు 122 పరుగుల భాగస్వామ్యం నెలకొల్పాడు వార్నర్. వేగంగా ఆడుతూ ఫించ్ అర్ధ శతకం పూర్తి చేశాడు. అనంతరం అతడు ఔటైనా.. తన దూకుడును మాత్రం తగ్గించలేదు.

డేవిడ్ వార్నర్​

ధాటిగా ఆడుతున్న వార్నర్​కు గ్లెన్​ మ్యాక్స్​వెల్​ తోడయ్యాడు. 28 బంతుల్లో 62 పరుగులు చేసి, డేవిడ్​కు సహకారమందించాడు. ఇందులో 7 బౌండరీలు, 3 సిక్సర్లు ఉన్నాయి. ఫలితంగా​ నిర్ణీత 20 ఓవర్లలో 2 వికెట్లు కోల్పోయి 233 పరుగులు చేసింది ఆసీస్.

అనంతరం ఛేదనలో శ్రీలంక తడబడింది. 50 పరుగులకే 5 వికెట్లు కోల్పోయి పీకల్లోతూ కష్టాల్లో పడింది. చివరకు 9 వికెట్లు కోల్పోయి 99 పరుగులు మాత్రమే చేయగలిగింది. ఆసీస్ బౌలర్లలో ఆడమ్ జంపా 3 వికెట్లు తీయగా, మిచెల్ స్టార్క్​, కమిన్స్ చెరో రెండు వికెట్లు తీశారు.

ఇదీ చదవండి: ఒలింపిక్స్​లో స్వర్ణమే నా లక్ష్యం: సుశీల్​