భారత బ్యాట్స్‌మన్‌ కేఎల్ రాహుల్... ఆటతోనే కాకుండా పలు విషయాల్లో ఉంటూ, తరుచూ వార్తల్లో నిలుస్తుంటాడు. బాలీవుడ్ భామలు, మోడల్స్తో.. డేటింగ్, ప్రేమ విషయంలో చాలాసార్లు చర్చనీయాంశంగా మారాడు ఈ స్టైలిష్ క్రికెటర్. ఇప్పుడు హిందీ నటి అతియా శెట్టితో కలిసి కనిపించాడు.
వీరిద్దరూ కలిసి తీసుకున్న ఫొటోను సామాజిక మధ్యమాల్లో షేర్ చేసిన రాహుల్.. 'హేరా ఫేరీ' సినిమాలోని 'హలో దేవీ ప్రసాద్‌' అనే పాపులర్‌ డైలాగ్‌ను జోడించాడు. ఇందులో రాహుల్.. ఫోన్ పట్టుకుని గంభీరంగా కనిపిస్తుండగా... అతియా నవ్వులు చిందిస్తోంది. ఈ పోస్టు చూసిన నెటిజన్లు.. వీరి మధ్య ప్రేమ మరింత బలపడుతోందని భావిస్తున్నారు. ఇప్పుడీ ఫొటోపై హీరోయిన్ తండ్రి, సీనియర్ నటుడు సునీల్ శెట్టి స్పందించాడు. 'ఓకే హంద్‌' అనే సరదా డైలాగుతో సమాధానం ఇచ్చాడు.
ఇతడి పాటు పలువురు క్రికెటర్లూ ఈ పోస్ట్కు కామెంట్ చేశారు. 'క్యూట్‌గా ఉన్నారు' అని టీమిండియా ఆల్‌రౌండర్‌ హార్దిక్‌ పాండ్య, 'చాలా బాగున్నారు' అంటూ శిఖర్‌ ధావన్‌ వ్యాఖ్యనించారు.
2015లో 'హీరో' సినిమాతో అతియా.. వెండితెరకు పరిచయమైంది. ఆ తర్వాత 'ముబారకన్', 'మోతీచూర్ ఛక్నాచూర్' అనే చిత్రాల్లోనూ నటించింది.
కేఎల్ రాహుల్... ఐపీఎల్లో కింగ్స్ ఎలెవెన్ పంజాబ్కు కెప్టెన్గా ఇటీవలే నియమితుడయ్యాడు. గత సీజన్లో ఇదే జట్టు తరఫున అత్యధిక పరుగులు చేశాడు. అందుకే ఈ బాధ్యతను అప్పగించింది పంజాబ్ ప్రాంఛైజీ.
