ఐసీసీ టీ-20 ప్రపంచకప్ పూర్తి షెడ్యూల్ విడుదలైంది. గ్రూప్-2లో ఉన్న భారత్ తన తొలి మ్యాచ్ను సౌతాఫ్రికాతో ఆడనుంది. అర్హత పోటీలన్నీ ముగియడం వల్ల షెడ్యూల్ను ప్రకటించింది ఐసీసీ. కంగారూల గడ్డపై 2020 అక్టోబర్ 18 నుంచి నవంబర్ 15 వరకు ప్రపంచకప్ జరగనుంది. మొత్తం 16 దేశాలు ఇందులో పాల్గొననున్నాయి.
వినూత్నంగా సూపర్-12...
పపువా న్యూగినియా, ఐర్లాండ్‌, ఒమన్‌, నెదర్లాండ్స్‌, నమీబియా, స్కాట్లాండ్‌ వంటి పసికూనలు.. టాప్-8లో అర్హత సాధించని బంగ్లాదేశ్, శ్రీలంకలు మెగా టోర్నీ సూపర్-12 కోసం ఆడనున్నాయి.
ఈ చిన్నజట్లను ఏ, బీ అనే రెండు గ్రూపులుగా విడదీసింది. శ్రీలంక ఉన్న గ్రూప్-ఏలో పపువా న్యూగినియా, ఐర్లాండ్‌, ఒమన్‌ ఉంటాయి. బంగ్లాదేశ్ ఉన్న గ్రూప్-బీలో నెదర్లాండ్స్‌, నమీబియా, స్కాట్లాండ్‌ ఉంటాయి. ఈ రెండు గ్రూపుల్లో అగ్రస్థానంలో నిలిచిన 2 జట్లు సూపర్-12 దశకు అర్హత సాధిస్తాయి. తర్వాత.. అసలైన పోరు ప్రారంభమవుతుంది.
సూపర్-12 దశలో జట్లను గ్రూప్-1, గ్రూప్-2గా విభజించారు. చిన్నజట్లు ఆడిన... గ్రూప్-ఏలో తొలిస్థానంలోని జట్టు, గ్రూప్-బిలో రెండో స్థానంలోని జట్టు సూపర్-12లో గ్రూప్-1లో చేరతాయి. ఇందులో పాకిస్థాన్, ఆస్ట్రేలియా, న్యూజిలాండ్, వెస్టిండీస్ ఉంటాయి.
గ్రూప్-బిలో తొలి జట్టు, గ్రూప్-ఏలో రెండో జట్టు సూపర్-12లో గ్రూప్-2లో చేరతాయి. ఇందులో భారత్, ఇంగ్లాండ్, దక్షిణాఫ్రికా, అఫ్గానిస్థాన్ ఉన్నాయి. సూపర్-12 దశలో భారత్ ఐదు మ్యాచుల్లో తలపడనుంది. తొలి మ్యాచ్ను సౌతాఫ్రికాతో ఆడనుంది.
- భారత్ × దక్షిణాఫ్రికా: అక్టోబర్ 24 (శనివారం) సాయంత్రం 4:30
- భారత్ × అర్హత జట్టు(ఏ-2): అక్టోబర్ 29 (గురువారం) మధ్యాహ్నం 1:30
- భారత్ × ఇంగ్లాండ్: నవంబర్ 1 (ఆదివారం) మధ్యాహ్నం 1:30
- భారత్ × అర్హత జట్టు(బీ-1): నవంబర్ 5 (గురువారం) మధ్యాహ్నం 2:00
- భారత్ × అఫ్గానిస్థాన్: నవంబర్ 8 (ఆదివారం) మధ్యాహ్నం 1:30
టోర్నీలో తొలి మ్యాచ్ శ్రీలంక, ఐర్లాండ్‌ మధ్య అక్టోబర్ 18న జరుగుతుంది. ఫైనల్ మ్యాచ్ మెల్‌బోర్న్‌లో నవంబర్ 15న జరుగుతుంది.
పూర్తి షెడ్యూల్ ఇదే...
- తొలి రౌండ్:
గ్రూప్-ఏ: శ్రీలంక, పపువా న్యూగినియా, ఐర్లాండ్‌, ఒమన్‌ జట్లు ఒకదానితో మరొకటి తలపడతాయి.
గ్రూప్-బీ: బంగ్లాదేశ్, నెదర్లాండ్స్‌, నమీబియా, స్కాట్లాండ్‌ జట్లు టాప్-12 కోసం పోటీపడతాయి.
అక్టోబర్ 18: శ్రీలంక X క్వాలిఫయర్ ఏ3(కార్డీనియా పార్క్, దక్షిణ గీలాంగ్)
అక్టోబర్ 18:క్వాలిఫయర్ ఏ2 X క్వాలిఫయర్ ఏ4(కార్డీనియా పార్క్, దక్షిణ గీలాంగ్)
అక్టోబర్ 19: బంగ్లాదేశ్ X క్వాలిఫయర్ బీ3 (బెల్లేరివె ఓవల్, టాస్మానియా)
అక్టోబర్ 19: క్వాలిఫయర్ బీ2 X క్వాలిఫయర్ బీ4 (బెల్లేరివె ఓవల్, టాస్మానియా)
అక్టోబర్ 20: క్వాలిఫయర్ ఏ3 X క్వాలిఫయర్ ఏ4(కార్డీనియా పార్క్, దక్షిణ గీలాంగ్)
అక్టోబర్ 20: శ్రీలంక X క్వాలిఫయర్ ఏ2(కార్డీనియా పార్క్, దక్షిణ గీలాంగ్)
అక్టోబర్ 21: క్వాలిఫయర్ బీ3 X క్వాలిఫయర్ బీ4 (బెల్లేరివె ఓవల్, టాస్మానియా)
అక్టోబర్ 21: బంగ్లాదేశ్ X క్వాలిఫయర్ బీ2 (బెల్లేరివె ఓవల్, టాస్మానియా)
అక్టోబర్ 22:క్వాలిఫయర్ ఏ2 X క్వాలిఫయర్ ఏ3 (కార్డీనియా పార్క్, దక్షిణ గీలాంగ్)
అక్టోబర్ 22: శ్రీలంక X క్వాలిఫయర్ ఏ4(కార్డీనియా పార్క్, దక్షిణ గీలాంగ్)
అక్టోబర్ 23: క్వాలిఫయర్ బీ2 X క్వాలిఫయర్ బీ3 (బెల్లేరివె ఓవల్, టాస్మానియా)
అక్టోబర్ 23: బంగ్లాదేశ్ X క్వాలిఫయర్ బీ4 (బెల్లేరివె ఓవల్, టాస్మానియా)
- సూపర్-12 మ్యాచ్లివే....
ఇప్పటికే 8 అగ్రజట్లు ఇందులో చోటు దక్కించుకున్నాయి. తొలి రౌండ్ పోటీలు ముగిశాక మిగతా 4 జట్లు ఇందులో కలుస్తాయి.
గ్రూప్-1లో పాకిస్థాన్, ఆస్ట్రేలియా, న్యూజిలాండ్, వెస్టిండీస్ జట్లు ఉన్నాయి. వీటికి ఏ1, బీ2(తొలిరౌండ్ జాబితాలో క్రమం ప్రకారం) కలుస్తాయి.
గ్రూప్-2లో భారత్, ఇంగ్లాండ్, దక్షిణాఫ్రికా, అఫ్గానిస్థాన్ జట్లు ఉన్నాయి. వీటికి బీ1, ఏ2 (తొలరౌండ్ జాబితాలో క్రమం ప్రకారం) కలుస్తాయి.
అక్టోబర్ 24: ఆస్ట్రేలియా X పాకిస్థాన్ ( సిడ్నీ క్రికెట్ గ్రౌండ్, సిడ్నీ)
అక్టోబర్ 24: భారత్ X దక్షిణాఫ్రికా (పెర్త్ స్టేడియం, పెర్త్)
అక్టోబర్ 25: ఏ1 X బీ2 (బ్లండ్ స్టోన్ ఎరీనా, హోబర్ట్)
అక్టోబర్ 25: న్యూజిలాండ్ X వెస్టిండీస్ (మెల్బోర్న్ క్రికెట్ గ్రౌండ్, మెల్బోర్న్)
అక్టోబర్ 26: అఫ్గానిస్థాన్ X ఏ2 (పెర్త్ స్టేడియం, పెర్త్)
అక్టోబర్ 26: ఇంగ్లాండ్ X బీ2 (పెర్త్ స్టేడియం, పెర్త్)
అక్టోబర్ 27: న్యూజిలాండ్ X బీ2 (బ్లండ్ స్టోన్ ఎరీనా, హోబర్ట్)
అక్టోబర్ 28: అఫ్గానిస్థాన్ X బీ1 (పెర్త్ స్టేడియం, పెర్త్)
అక్టోబర్ 28: ఆస్ట్రేలియా X వెస్టిండీస్ (పెర్త్ స్టేడియం, పెర్త్)
అక్టోబర్ 29: పాకిస్థాన్ X ఏ1 (సిడ్నీ క్రికెట్ గ్రౌండ్, సిడ్నీ)
అక్టోబర్ 29: భారత్ X ఏ2 (మెల్బోర్న్ క్రికెట్ గ్రౌండ్, మెల్బోర్న్)
అక్టోబర్ 30: ఇంగ్లాండ్ X దక్షిణాఫ్రికా ( సిడ్నీ క్రికెట్ గ్రౌండ్, సిడ్నీ)
అక్టోబర్ 30: వెస్టిండీస్ X బీ2 (పెర్త్ స్టేడియం, పెర్త్)
అక్టోబర్ 31: పాకిస్థాన్ X న్యూజిలాండ్ (బ్రిస్బేన్ క్రికెట్ గ్రౌండ్, బ్రిస్బేన్)
అక్టోబర్ 31: ఆస్ట్రేలియా X ఏ1 (బ్రిస్బేన్ క్రికెట్ గ్రౌండ్, బ్రిస్బేన్)
నవంబర్ 1: దక్షిణాఫ్రికా X అఫ్గానిస్థాన్ (అడిలైడ్ ఓవల్, అడిలైడ్)
నవంబర్ 1: భారత్ X ఇంగ్లాండ్ (మెల్బోర్న్ క్రికెట్ గ్రౌండ్, మెల్బోర్న్)
నవంబర్ 2: ఏ2 X బీ1( సిడ్నీ క్రికెట్ గ్రౌండ్, సిడ్నీ)
నవంబర్ 2: న్యూజిలాండ్ X ఏ1 (బ్రిస్బేన్ క్రికెట్ గ్రౌండ్, బ్రిస్బేన్)
నవంబర్ 3: పాకిస్థాన్ X వెస్టిండీస్(అడిలైడ్ ఓవల్, అడిలైడ్)
నవంబర్ 3: ఆస్ట్రేలియా X బీ2(అడిలైడ్ ఓవల్, అడిలైడ్)
నవంబర్ 4: ఇంగ్లాండ్ X అఫ్గానిస్థాన్ (బ్రిస్బేన్ క్రికెట్ గ్రౌండ్, బ్రిస్బేన్)
నవంబర్ 5:దక్షిణాఫ్రికా X ఏ2 (అడిలైడ్ ఓవల్, అడిలైడ్)
నవంబర్ 5:భారత్ X బీ2 (అడిలైడ్ ఓవల్, అడిలైడ్)
నవంబర్ 6: పాకిస్థాన్ X బీ2 (మెల్బోర్న్ క్రికెట్ గ్రౌండ్, మెల్బోర్న్)
నవంబర్ 6: ఆస్ట్రేలియా X న్యూజిలాండ్ (మెల్బోర్న్ క్రికెట్ గ్రౌండ్, మెల్బోర్న్)
నవంబర్ 7: ఇంగ్లాండ్ X ఏ2 (అడిలైడ్ ఓవల్, అడిలైడ్)
నవంబర్ 7: విండీస్ X ఏ1(మెల్బోర్న్ క్రికెట్ గ్రౌండ్, మెల్బోర్న్)
నవంబర్ 8: దక్షిణాఫ్రికా X బీ1 (సీడ్నీ క్రికెట్ గ్రౌండ్, సిడ్నీ)
నవంబర్ 8: భారత్ X అఫ్గానిస్థాన్ (సీడ్నీ క్రికెట్ గ్రౌండ్, సిడ్నీ)
- సెమీఫైనల్స్-ఫైనల్ మ్యాచ్లు:
నవంబర్ 11: సిడ్నీ క్రికెట్ గ్రౌండ్, సిడ్నీ
నవంబర్ 12: అడిలైడ్ ఓవల్, అడిలైడ్
నవంబర్ 15: మెల్బోర్న్ క్రికెట్ గ్రౌండ్, మెల్బోర్న్
