రెండో టెస్టులో పాక్​పై ఆసీస్​ గెలుపు.. సిరీస్ క్లీన్​స్వీప్​

అడిలైడ్ వేదికగా పాక్​తో​ జరిగిన రెండో టెస్టులో ఆస్ట్రేలియా గెలిచింది. 2-0 తేడాతో సిరీస్ కైవసం చేసుకొని, క్లీన్​స్వీప్ చేసింది. డేవిడ్ వార్నర్​కు 'మ్యాన్ ఆఫ్ ద సిరీస్' అవార్డు దక్కింది.

అడిలైడ్​ వేదికగా పాకిస్థాన్​తో జరిగిన రెండో టెస్టులో ఆస్ట్రేలియా.. ఇన్నింగ్స్ 48 పరుగుల తేడాతో విజయం సాధించింది. రెండు టెస్టుల సిరీస్​ను క్లీన్​స్వీప్ చేసింది. ఆసీస్ బౌలర్లలో లైయన్ 5 వికెట్లతో ఆకట్టుకోగా... హేజిల్​వుడ్ 3, మిచెల్ స్టార్క్ ఓ వికెట్ తీశారు.

వార్నర్ 'మ్యాన్ ఆఫ్ ద' సిరీస్​

రెండు టెస్టుల్లో రెండు సెంచరీలతో ఆకట్టుకున్న వార్నర్​కు 'మ్యాన్ ఆఫ ద సిరీస్' అవార్డు దక్కింది. ఈ మ్యాచ్​లో ట్రిపుల్ చేసినందుకు 'మ్యాన్ ఆఫ్ మ్యాచ్' సొంతం చేసుకున్నాడు. పాక్​పై తొలి టెస్టులో 154 పరుగులు చేసిన వార్నర్‌.. డే/నైట్‌ మ్యాచ్‌లో 335 పరుగులతో నాటౌట్‌గా నిలిచాడు. రెండు టెస్టుల్లో కలిపి 489 పరుగులు చేశాడు.

• Australia opener David Warner is Player of the Match for his sensational triple hundred! 👏#AUSvPAK pic.twitter.com/biGHUrkxSl

  — ICC (@ICC) December 2, 2019 " class="align-text-top noRightClick twitterSection" data="

  Australia opener David Warner is Player of the Match for his sensational triple hundred! 👏#AUSvPAK pic.twitter.com/biGHUrkxSl

  — ICC (@ICC) December 2, 2019

  ">

  Australia opener David Warner is Player of the Match for his sensational triple hundred! 👏#AUSvPAK pic.twitter.com/biGHUrkxSl

  — ICC (@ICC) December 2, 2019

ఇన్నింగ్స్ పరాభవం తప్పలేదు..

39/3 స్కోరు వద్ద నాలుగోరోజు ఆట ప్రారంభించిన పాకిస్థాన్.. ఇన్నింగ్స్ ఓటమిని తప్పించుకునేందుకు పోరాడింది. షాన్ మసూద్, అసద్ షఫీక్ అర్ధశతకాలతో ఆసీస్ బౌలర్లను కాసేపు ప్రతిఘటించారు. వీరిద్దరూ 103 పరుగుల భాగస్వామ్యం నెలకొల్పారు. అయితే మసూద్​ను ఔట్ చేసిన లైయన్.. ఈ జోడీని విడదీశాడు.

చివర్లో మహ్మద్ రిజ్వాన్ కాసేపు క్రీజులో నిలుచున్నప్పటికీ.. పాక్ పరాజయాన్ని మాత్రం తప్పించలేకపోయాడు. ఆసీస్ బౌలర్లు, లైయన్, హేజిల్​వుడ్ ధాటికి దాయాది బ్యాట్స్​మెన్​ వరుసగా పెవిలియన్​కు క్యూ కట్టారు.

నాథన్ లైయన్

ఈ టెస్టు తొలి ఇన్నింగ్స్​లో ఆస్ట్రేలియా.. 589/3 స్కోరు వద్ద డిక్లేర్ చేసింది. డేవిడ్ వార్నర్(335*) త్రిశతకంతో చెలరేగగా.. లబుషేన్(162) సెంచరీతో ఆకట్టుకున్నాడు. అనంతరం పాకిస్థాన్ 302 పరుగులకు తొలి ఇన్నింగ్స్​లో ఆలౌటైంది. యాసిర్ షా(113) సెంచరీ, బాబర్ అజాం 97 పరుగులతో రాణించినప్పటికీ పాక్​ను ఫాలో ఆన్ ముప్పు నుంచి తప్పించలేకపోయారు. మొదటి ఇన్నింగ్స్​లో ఆసీస్ బౌలర్ స్టార్క్ 6 వికెట్లు తీశాడు.

ఇదీచదవండి: దక్షిణాసియా క్రీడల్లో భారత్​ బోణీ.. ఒకే రోజు 4 పతకాలు