భారత్లో భద్రతాపరమైన అంశాలపై విషం కక్కిన పీసీబీ ఛైర్మన్‌ ఎహ్సన్ మణిపై బీసీసీఐ కోశాధికారి అరుణ్ ధుమాల్ ఆగ్రహం వ్యక్తం చేశారు. పాకిస్థాన్ భద్రత విషయంలో కామెంట్ చేయడానికి కూడా అతడు పనికిరాడన్నారు.
"ఎవరైతే లండన్లో ఉంటారో, వారు భారత్లో భద్రత విషయాలపై కామెంట్ చేయడం సరికాదని తెలిపారు. ఎహ్సన్ పాకిస్థాన్ కన్నా లండన్‌లోనే ఎక్కువగా ఉంటాడని, అలాంటప్పుడు ఆ దేశ భద్రత గురించి కూడా కామెంట్ చేయడానికి అర్హత లేదు." -అరుణ్ ధుమాల్, బీసీసీఐ కోశాధికారి.
రెండు టెస్టుల సిరీస్ కోసం శ్రీలంక పాకిస్థాన్లో పర్యటించిన నేపథ్యంలో సోమవారం ఇరు జట్ల మధ్య రెండో టెస్టు ముగిసింది. ఈ మ్యాచ్‌లో పాకిస్థాన్ 263 పరుగుల తేడాతో విజయం సాధించి 1-0తో సిరీస్‌ను కైవసం చేసుకుంది. ఈ సందర్భంగా కరాచీలో ఏర్పాటు చేసిన మీడియా సమావేశంలో ఎహ్సన్ మాట్లాడాడు.
"భద్రత విషయంలో ఇప్పుడు భారత్ కన్నా పాకిస్థాన్ మెరుగ్గా ఉందని పరోక్షంగా వ్యాఖ్యానించాడు. శ్రీలంకతో దిగ్విజయంగా టెస్టు సిరీస్ నిర్వహించాం. ఇప్పుడు అక్కడ క్రికెట్ ఆడటం సురక్షితమనే విషయాన్ని రుజువు చేశాం. అలాగే జనవరిలో బంగ్లాదేశ్‌ను పాకిస్థాన్లో పర్యటించడానికి ఒప్పిస్తున్నాం. ఇతర జట్లతోనూ సంప్రదింపులు జరుపుతున్నాం." -ఎహ్సన్ మణి, పీసీబీ ఛైర్మెన్
అయితే బీసీబీ తాజాగా పాకిస్థాన్లో టీ20 సిరీస్ మాత్రమే ఆడటానికి అంగీకరించింది. టెస్టు సిరీస్‌ను మాత్రం తటస్థ వేదికపై నిర్వహించాలని తెలిపింది.
ఇదీ చదవండి: 15 కోట్లకు కొనుక్కుంటే.. కుక్క బొమ్మలు అడిగింది..!
