అఫ్గానిస్థాన్.. పసికూన జట్టు.. ఏముంది వారిపై సులభంగా గెలిచేయొచ్చు.. పెద్ద విషయేమేం కాదు.. సగటు క్రికెట్ వీక్షకుడి అభిప్రాయాలివి.. అయితే ప్రస్తుతం పరిస్థితి మారింది.. పొట్టి ఫార్మాట్లో అదరగొడుతోంది అఫ్గాన్. ఎంతలా అంటే ఆ జట్టు టీ20 సిరీస్ ఓడిపోయి రెండేళ్లవుతుంది. అఫ్గానిస్థాన్ చివరగా 2017 జూన్లో టీ20 సిరీస్ ఓడింది.
జనవరి 2018 నుంచి టీ20ల్లో అఫ్గాన్ ప్రదర్శన..
- జింబాబ్వేపై 2-0తేడాతో విజయం..
- బంగ్లాదేశ్పై 3-0
- ఐర్లాండ్పై 2-0
- ఐర్లాండ్పై 3-0
- బంగ్లాదేశ్పై 2-2 తేడాతో సిరీస్ డ్రా
తాజాగా వెస్టిండీస్తో మూడు టీ20 మ్యాచ్ల సిరీస్ను 2-1తో కైవసం చేసుకుంది అఫ్గానిస్థాన్ . ఆదివారం జరిగిన ఆఖరిదైన మూడో మ్యాచ్లో ఆ జట్టు 29 పరుగుల తేడాతో విండీస్‌ను ఓడించింది. మొదట బ్యాటింగ్‌ చేసిన అఫ్గాన్ జట్టు.. 20 ఓవర్లలో 8 వికెట్లకు 156 పరుగులు చేసింది. రహ్మనుల్లా గుర్బాజ్‌ (79; 52 బంతుల్లో) రాణించాడు.
విండీస్ బౌలర్లలో కాట్రెల్‌, క్రిక్‌ విలియమ్స్‌, కీమో పాల్‌ తలో రెండు వికెట్లు తీశారు. నవీన్‌ ఉల్‌ హక్‌ (3/24) విజృంభించడంతో విండీస్ 20 ఓవర్లలో 7 వికెట్లకు 127 పరుగులే చేసింది. ఈ రెండు జట్ల మధ్య ఏకైక టెస్టు లఖ్‌నవూ వేదికగా ఈనెల 27న ప్రారంభం కానుంది.
ఇదీ చదవండి: ధోనీ వల్ల జీవితాంతం వేధన మిగిలింది: గంభీర్
