మలేసియా మాస్టర్స్లో భారత్కు ఆరంభంలోనే ఎదురుదెబ్బ తగిలింది. స్టార్ షట్లర్ సాయిప్రణీత్ తొలి రౌండ్లోనే ఇంటిముఖం పట్టాడు. కౌలాలంపుర్ వేదికగా జరుగుతున్న ఈ టోర్నీలో డెన్మార్క్కు చెందిర రస్మస్ జెమ్కే చేతిలో పరాజయం పాలయ్యాడు.
పురుషుల సింగిల్స్ విభాగంలో 11-21, 15-21 తేడాతో వరుస సెట్లలో ఓడిపోయాడు ప్రణీత్. ప్రత్యర్థి పూర్తి ఆధిపత్యం చెలాయించి మ్యాచ్ను సొంతం చేసుకున్నాడు.
ఇప్పటికే భారత పురుషుల డబుల్స్ జోడీ సాత్విక్ సాయిరాజ్-చిరాగ్ శెట్టి.. తొలి రౌండ్లోనే వెనుదిరిగి నిరాశ కలిగించారు. పారుపల్లి కశ్యప్ బుధవారం.. మెమొటాతో తలపడనున్నాడు. పీవీ సింధు, సైనా నెహ్వాల్, కిదాంబి శ్రీకాంత్, ప్రణయ్, సమీర్ వర్మపైనే ఆశలు పెట్టుకున్నారు అభిమానులు.
ఇదీ చదవండి: వైరల్: టెన్నిస్ రాకెట్తో తండ్రినే కొట్టిన స్టార్ప్లేయర్
