ప్రముఖ తమిళ నటుడు సూర్య సరసన మాళవిక మోహన్ నటిస్తుందంటూ గతంలో వార్తలొచ్చాయి. కానీ, ఈ చిత్రంలో ఆమె నటించడం లేదని కోలీవుడ్‌లో ప్రచారం జరుగుతోంది.
'సింగం' సిరీస్‌ దర్శకుడు హరి తెరకెక్కించనున్న సినిమాలో ముందుగా 'మాస్టర్‌' ఫేం మాళవికను ఎంపిక చేశారు. కొన్ని కారణాలతో ఈ చిత్రం నుంచి ఆమె తప్పుకుందని సమాచారం. ఇప్పుడీ అవకాశం రష్మికకు దక్కిందని టాక్‌. ఇదే నిజమైతే అటు సూర్య, ఇటు కార్తీ ఇద్దరి సినిమాల్లోనూ రష్మిక అవకాశం దక్కించుకున్నట్లే.
'బ్రదర్స్'తో కలిసి...
ఇప్పటికే చిత్ర బృందం రష్మికతో చర్చలు సాగించిందట. దీనిపై త్వరలోనే స్పష్టత రానుంది. ఈ నటి ప్రస్తుతం తెలుగులో అల్లుఅర్జున్, తమిళ్లో కార్తి సినిమాతో బిజీగా ఉంది. ప్రస్తుతం సూర్య 'ఆకాశం నీ హద్దురా' సినిమాలో నటిస్తున్నాడు. 'గురు' సినిమాతో అందర్ని ఆకట్టుకున్న సుధా కొంగర దర్శకత్వం వహిస్తోంది. ఈ చిత్రం పూర్తైన తర్వాత హరి దర్శకత్వంలో నటించే అవకాశాలున్నాయి.
ఇదీ చూడండి... చిరుకు ప్రతినాయకుడిగా.. కలెక్షన్ కింగ్..!
