అల్లు అర్జున్ కథానాయకుడిగా నటించిన 'అల వైకుంఠపురములో' సినిమాలోని 'సామజవరగమన' పాట విడుదలైప్పటి నుంచి యూట్యూబ్లో రికార్డులు సృష్టిస్తోంది. చిన్న పెద్దా తేడా లేకుండా ఈ పాటకు ప్రతి ఒక్కరూ కనెక్ట్‌ అయ్యారు. సాంగ్‌ ఆఫ్‌ ది ఇయర్‌గా దూసుకెళ్తున్న ఈ పాటను ఓ ఉపాధ్యాయుడు తనదైన శైలిలో పేరడీ చేసి ఆకట్టుకున్నారు.
మామూలుగా చెబితే విద్యార్థులు వినకపోవచ్చు అనుకున్నారేమో.. అందుకనే ఆయన 'సామజవరగమన' పాట ట్యూన్‌లో "నీ కళ్లకు కావాలి కాస్త నీ భవిష్యత్తుపై కలలు.. సమయమంతా వృథా చేస్తే ఉండదురా ఫ్యూచరూ.. నీ మనసు గాలి ఊయ్యాలలూగుతూ ఉంటే చెడిపోతావ్‌.. నీ ధ్యాసను చదువులో పెడితే మంచోడివి అవుతావ్‌.." అని పాటలా పాడి వినిపించారు.
విలువైన సమయాన్ని వృథా చేసుకోకుండా భవిష్యత్తుపై దృష్టిపెట్టాలని విద్యార్థులకు ఈ పాట రూపంలో బోధించిన తీరుకు నెటిజన్లు ఆ ఉపాధ్యాయుడిపై ప్రశంసల వర్షం కురిపిస్తున్నారు. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.
- " class="align-text-top noRightClick twitterSection" data="">
ఇవీ చూడండి.. రివ్యూ: గ్యాప్ వచ్చినా.. కేక పుట్టించాడు!
