బాలీవుడ్లో ఖాన్ త్రయానికి అభిమానులు ఎక్కువే. వీరి సినిమా ఎప్పుడెప్పుడొస్తుందా అని ఎదురుచూస్తుంటారు. కానీ ఈ ముగ్గురు కలిసి ఇప్పటివరకు మూవీ చేయలేదు. కానీ ఫ్యాన్స్ అందరూ వీరి కలయికలో ఓ సినిమా వస్తే బాగుంటుందని ఎప్పుటినుంచో అనుకుంటున్నారు. తాజాగా ఇలాంటి వార్త ఒకటి హిందీ చిత్రసీమలో చక్కర్లు కొడుతోంది.
ఆమిర్ ఖాన్, కరీనా కపూర్ ప్రధాన పాత్రల్లో నటిస్తోన్న చిత్రం 'లాల్ సింగ్ చద్ధా'. హాలీవుడ్లో వచ్చిన 'ఫారెస్ట్ గంప్' ఆధారంగా తెరకెక్కుతోంది. 'సీక్రెట్ సూపర్ స్టార్' ఫేం అద్వైత్ చందన్ దర్శకత్వం వహిస్తున్నాడు. అయితే ఇందులో ఆమిర్తో పాటు సల్మాన్, షారుఖ్ కూడా నటిస్తున్నారట.
స్క్రిప్టులో కీలకమైన పాత్ర కోసం షారుఖ్ను ఆమిర్ సంప్రదించాడట. ఈ పాత్రే కథను మలుపుతిప్పుతుందట. దీనికి కింగ్ ఖాన్ కూడా ఓకే చెప్పినట్లు వార్తలు వస్తున్నాయి. సల్మాన్కూ మంచి పాత్ర ఉందట. మరి ఇదే నిజమైతే ముగ్గురు ఖాన్లను ఒకే తెరపై చూడాలన్న బాలీవుడ్ ప్రేక్షకుల కల నిజమవడం ఖాయం.
ఇవీ చూడండి.. సంజయ్.. కృతి భలేగా దర్శనమిచ్చారు కదా..
