హిందీలో 'దిల్‌ తేరా దివానా' చిత్రంలో భరత్‌ కౌశల్‌గా అలరించిన నటుడు సైఫ్ అలీఖాన్. ఈహీరో ప్రస్తుతం కొత్త పాత్రలకు సిద్ధమౌతున్నట్లు కనిపిస్తుంది. తాజాగా బాలీవుడ్‌లో ఓ వార్త హల్‌చల్‌ చేస్తుంది. 'స్టూడెంట్‌ ఆఫ్‌ ది ఇయర్‌2'లో శ్రేయగా నటించి అలరించిన కథానాయిక అనన్య పాండేకు తండ్రిగా నటించనున్నాడు సైఫ్.
థ్రిల్లర్‌ నేపథ్యంగా తెరకెక్కనున్న ఈ సినిమాకు రాహల్‌ ధోలాకియా దర్శకత్వం వహించనున్నాడు. ఇందులో అనన్య పాండే - సైఫ్ అలీఖాన్‌లు తండ్రీకూతుళ్లుగా కనిపించనున్నారు. చిత్ర కథంతా వారి అనుబంధాల చుట్టూ తిరుగుతుంది. అనన్య చేసిన సినిమాల సంఖ్య తక్కువే కావచ్చు. కానీ వాటిలో ఆమె నటించిన తీరు చాలా బాగుందని సినీ వర్గాలు చెబుతున్నాయి.
ఇక నిజ జీవితంలో సైఫ్ అలీఖాన్‌కి పెద్ద కూతురు ఉంది. ఆమే సారా అలీఖాన్. ఇప్పటికే 'కేదార్‌నాథ్‌', 'సింబా'లాంటి చిత్రాల్లో నటించింది. అనన్య పాండే మక్బాల్‌ ఖాన్‌ దర్శకత్వంలో వస్తున్న 'ఖాలీ పీలి' చిత్రంలో ఇషాన్ ఖత్తర్తో కలిసి నటిస్తోంది.
ఇవీ చూడండి.. కార్తికేయ 'చావు కబురు చల్లగా'
