'ఛలో' చిత్రంతో అలరించి.. 'గీతాగోవిందం'తో యువతను ఉర్రూతలూగించిన హీరోయిన్ రష్మిక. ప్రస్తుతం 'భీష్మ', 'సరిలేరు నీకెవ్వరు' చిత్రాలతో బిజీగా ఉంది. రక్షిత్ శెట్టి 'అతడే శ్రీమన్నారాయణ' చిత్రంలో నటించాడు. ఈ సినిమా డిసెంబరు 27న తెలుగు, తమిళ, కన్నడ, మలయాళ, హిందీ భాషల్లో ప్రేక్షకుల ముందుకు రానుంది. తాజాగా రక్షిత్ 'అతడే శ్రీమన్నారాయణ' సినిమా ప్రమోషన్స్లో భాగంగా చెన్నైలో విలేకర్లతో ముచ్చటించాడు. అప్పుడే రష్మికతో ప్రేమాయణం గురించి మాట్లాడాడు.
"రష్మికకు పెద్ద పెద్ద కలలు ఉన్నాయి. నాకు తన గతం మొత్తం తెలుసు. శాంటా తన కలలను సాకారం చేయాలని కోరుకుంటున్నా. రష్మిక మీద మీరంతా(అభిమానులు) ఓ అభిప్రాయాన్ని ఏర్పరచుకున్నారు. అందుకే నేను ఎవర్ని నిందించడం లేదు. రెండేళ్లుగా తనతో నాకు పరిచయం ఉంది. మీ అందరి కంటే తన గురించి నాకు బాగా తెలుసు. తనని జడ్జ్ చేయడం ఆపండి. దయచేసి రష్మికను సంతోషంగా ఉండనివ్వనండి."
- రక్షిత్ శెట్టి, హీరో
ప్రస్తుతం కన్నడ చిత్రసీమలో రక్షిత్ శెట్టి జోరుమీదున్నాడు. 'కిర్రాక్ పార్టీ'తో ఘన విజయం అందుకున్న ఈ హీరో ఈనెల 27న అతడే శ్రీమన్నారాయణతో ప్రేక్షకుల ముందుకు రానున్నాడు.
ఇవీ చూడండి.. ఘనంగా జాతీయ చలనచిత్ర అవార్డుల ప్రదానోత్సవం
